Ижкар+1 °C
9 -тӥ толсур 2021 Покчиарня
18+

Удмуртиысь следж-хоккеистъёс куинетӥ луизы Россилэн чемпионатэзлэн кыкетӥ люкетаз

  • 287
  • 0
Ханты-Мансийск / Россия
Удмуртиысь следж-хоккеистъёс куинетӥ луизы Россилэн чемпионатэзлэн кыкетӥ люкетаз
Туспуктэм: vk.com ( «Удмуртия» следж-хоккей)

Ханты-Мансийскын следж-хоккеен шудонъя Россилэн чемпионатэзлэн кыкетӥ люкетэз йылпумъяськиз. Удмуртилэн командаез ӵошатсконъёсын куинетӥ луиз. Со сярысь следж-хоккейя «Удмуртия» клублэн «Вконтакте» мерлыко вотэсысь бамаз ивортӥзы.

Ӵошатсконъёсы Москва, Тула, Оренбург, Челябинск улосвылъёсысь, Удмуртиысь, Ханты-Мансийск автоном округысь, Москваысь но Нижний Новгородысь тямыс командаос пыриськизы.

«Удмуртия» клубысь спортсменъёс сизьым пӧлысь витяз пумиськоназы вормизы:

«Удмуртия» – «Торпедо» – 23:0;

«Удмуртия» – Челябинск улосвыллэн люкам командаез – 14:0;

«Удмуртия» – «Югра» – 1:3;

«Удмуртия» – «Феникс» – 1:5;

«Удмуртия» – Москвалэн люкам командаез – 7:0;

«Удмуртия» – «Звезда» – 5:0;

«Удмуртия» – «Ястребы» – 3:1.

Чемпионатлэн кык люкетэзлы йылпумъянъёсъя нырысетӥ интыын «Феникс» клуб мынэ (41 очкозы), кыкетӥ интыын – «Югра» (34 очкозы), куинетӥ – «Удмуртия» (33 очкозы).

Тодэ вайытом, Россилэн чемпионатэзлэн нырысетӥ люкетэз Ижкарын ортчиз. Отын Удмуртиысь команда кыкетӥ инты басьтӥз.

Йӧскалык чемпионатлэн куинетӥ (йылпумъясь) люкетэз Тула улосвылысь Алексин карын 2022-тӥ арын оштолэзе ортчоз


Наверх
Вниз