Ижевск-16 °C
24 тулыспал 2018 Кӧснунал
16+

Удмуртиысь куасэн бызьылӥсь Максим Вылегжанин понна дурбасьтон ужрад ортчоз Шарканын 18-тӥ южтолэзе

  • 157
  • 0
Шаркан / Удмуртиын
Удмуртиысь куасэн бызьылӥсь Максим Вылегжанин понна дурбасьтон ужрад ортчоз Шарканын 18-тӥ южтолэзе
ФОТО: RSPORT.RU

Удмуртиысь куасэн бызьылӥсь Максим Вылегжанин понна дурбасьтон ужрад ортчоз Шарканын 18-тӥ южтолэзе. Со сярысь ивортэ элькунысь тӧролэн но кивалтэтлэн пресс-службазы.

«Макс-старт» ужрад улсын куасэн бызьылонъя ӵошатсконъёс ортчозы. Нош пыриськисьёслэн дӥсьёссы бордын лыдпусъёс интые Вылегжанинлэн туспуктэмез луоз.

Озьы черкогуртын улӥсьёс куасэн бызьлон спортъя калыккуспо федерацилэн пумкылъянэныз сэрен калыккуспо ӵошатсконъёсты кельтоно луись спортсмен пала кариськемзэс возьматыны малпало.

Тодэ вайытом, куасэн бызьлон спортъя калыккуспо федерация WADA огазеяськонысь ӧнерчилэн Ричард Макларенлэн допингъя докладэныз сэрен Удмуртиысь Максим Вылегжанинэз ӵошатсконъёсы пыриськонлэсь палэнтӥз. Отын куасэн бызьылӥсьлэн вираз мултэс суретъёс вань шуыса верамын. Ачиз спортсмен Макларенлэн кылъёсыныз соглаш ӧвол.

Наверх
Вниз