Ижкар+3 °C
25 -тӥ коньывуон 2020 Воскресенье
18+

Александр Бречалов Ижкарын куасэн бызьылонъя Галина Кулаковалы сӥзем дунне марафон ортчытъяны ӵектӥз

  • 500
  • 0
Ижкар / Удмуртия
Александр Бречалов Ижкарын куасэн бызьылонъя Галина Кулаковалы сӥзем дунне марафон ортчытъяны ӵектӥз
Фото: Михаил Шустов

Удмуртиын дунне ӵошатскон ортчыны быгатоз — куасэн бызьылонъя Галина Кулакова нимо марафон. Улосвылысь кивалтэтлэн кенешоназ 10-тӥ оштолэзе сыӵе малпанзэ шараяз элькун тӧролэсь ужзэ огдырлы быдэсъясь Александр Бречалов.

Мон малпаськыны ӵектӥсько. Асьме дорын зэмзэ но бадӟым куасэн бызьылӥсь, чемпион (Галина Алексеевна Кулакова — ред.) улэ. Соин ик шонер луысал та выллем ӵошатсконъёс солэсь нимзэ нуллысалзы ке. Нош асьмелэн ужпуммы сое дунне ӵошатскон карыны, Росси ӧвӧл, дунне. Кызьы сое лэсьтыны — кенешом. 29-тӥ числое (оштолэзе, Г. А. Кулаковалы 75 арес тырмон нуналэ — ред.) асьмеос сое шараяны кулэ ини. Мон министрен (Россиысь спортъя министрен Павел Колобковен — ред.) со сярысь вераськи ни, со мукетгес вераськон, но та сярысь ик
Удмуртилэн тӧроезлэсь ужзэ огдырлы быдэсъясь Александр Бречалов

Удмуртилэн тӧроезлэсь ужзэ огдырлы быдэсъясь ватсаз, кылсярысь, спортэз гажасьёслэн биатлонзы вань на шуыса. Мыло-кыдо спортсменъёс солы гожъяллям вылэм вордӥськем Ижкаразы ӵошатсконъёс радъямзы потэ шуыса, но пӧрмымтэ, ортчытӥллям Подмосковьеын. Александр Бречалов соосты, озьы ик Россиын бадӟым ӵошастконъёс радъясьёсты та ужпумъя кенешыны ӧтиз.

Куасэн бызьылонъя Галина Алексеевна Кулаковалы сӥзем марафон ортчытон сярысь вераськон 29-тӥ оштолэзе солэсь 75 арессэ пусъёнэз радъян пумысен кенешонын ӝутскиз. Олимпи шудонъёслэсь, дуннелэсь, кунмылэсь куасэн бызьылонъя трос пол чемпионзэ ӟечкыланы вуозы Россиысь спортъя министр Павел Колобков но Галина Кулаковаен ӧтем спортсменъёс.



Наверх
Вниз