Ижевск-12 °C
22 тулыспал 2018 Покчиарня
16+

350-лэсь трос куриськонъёс вуизы тӧлпо спортъя академилэн Удмуртиысь филиалаз

  • 124
  • 0
Вотка / Удмуртиын
350-лэсь трос куриськонъёс вуизы тӧлпо спортъя академилэн Удмуртиысь филиалаз
Туспуктэм: yacht-club-spb.ru

Тӧлпо (парус) спортъя академилэн Удмуртиысь филиалаз350-лэсь трос куриськонъёс вуизы. Со сярысь ивортэ Воткалэн администрациезлэн пресс-службаез.

Тодэ вайытом, 13-тӥ куартолэзе Воткаын Санкт-Петербургысь тӧлпо спортъя академилэсь нырысетӥ филиалзэ усьтӥзы. Тӧлпо спортэз озьы ик дышетозы Удмуртиысь кадет корпусысь пиналъёс. 2017-тӥ арын соос «Артек» калыккуспо нылпи центрын дышетскозы.

Академиын «Оптимист» классъем пыжъёсын дышетскозы. Ужрад дыръя 70 пала пиналъёс филиалэ кутэмын. Эшшо 50 мурт анкетаос гожтыса кельтӥз.

Ёзэтэз усьтон но пинал спортсменъёсты дышетон понна уксё висъя кар коньдэт но ӵектосэ кыскем партнёръёс.

«Милем туж удалтӥз — пиналъёсмы табере тӧлпо спортэн вырыны быгатозы. Гужем ми ву вылын дышетскомы, споръёсы, ӵошатсконъёсы ветломы, толалтэ мугорез кыдатомы, куасэн бызьыломы, теориез дышетомы. Устоосыз спортсменъёс тол вакытэ но шуныт кунъёсы ветлыны быгатозы, оло», — вераз Воткаысь академилэн тренерез Игорь Гущин.

Кызьы пусйиз Воткалэн тӧроез Владимир Перевозчиков, карысь спортсменъёс дышетскемзы бере тӧлпо спортъя Росси но калыккуспо ӵошатсконъёсы пыриськыны быгатозы.

Наверх
Вниз