Ижкар+3 °C
25 -тӥ коньывуон 2020 Воскресенье
18+

Одӥг сюрслэсь трос пыриськисьёсты возьмало Удмуртиын куасэн бызьылонъя Галина Кулакова нимо марафонын

  • 312
  • 0
Ижкар / Удмуртия
Одӥг сюрслэсь трос пыриськисьёсты возьмало Удмуртиын куасэн бызьылонъя Галина Кулакова нимо марафонын
Туспуктэм: Дмитрий Винокуров

Куасэн бызьылонъя Галина Кулакова нимо калыккуспо марафонэ Удмуртиын 1200–1400 пыриськисьёсты возьмало. Со сярысь 13-тӥ толсуре ортчем пресс-конференциын вераз элькун кивалтэтлэн тӧроезлэн нырысетӥ воштӥсезлэсь ужзэ быдэсъясь Александр Свинин.

Озьы, солэн верамезъя, спортэн тунсыкъяськисьёс пӧлын та ӵошатсконъёс тужгес трос калыкез люкась коммерци стартъёс луозы. Корпоративной эстафетае гинэ 30 пала командаос куриськон сётӥзы ни. 10-тӥ толсурлы 600-лэсь трос адями пусйиськемын вал ни, со пӧлысь 350-эз мукет улосвылъёсысь. Оглом Россиысь 54 каръёсысь но 13 интывылъёсысь.

Радъясьёс пыриськисьёслы марафонлэн тодметэныз нимысьтыз изьыос но мукет арбериос дасяло, соосты лэсьтонэ элькунысь ужбергатӥсьёсты кыскыны тыршо.

Александр Свинин пусйиз, ӵошатсконъёс мынон интыосы пыриськисьёсты но учкисьёсты нуон-ваён радъямын луоз шуыса

Солэн кылъёсызъя, куасэн бызьылонъя Галина Кулакова нимо калыккуспо марафон элькунын сяме пырыны кулэ. Озьы ик, кызьы «Титан»-триатлон но 2018-тӥ арын куарусён кутсконын ортчытыны чаклам полумарафон.

Тодэ вайытом, куасэн бызьылонъя марафонэ пыриськемзы сярысь ялӥзы ни Удмуртилэн тӧроез Александр Бречалов, Удмуртиысь Биатлонъя федерацилэн кивалтӥсез Иван Черезов, паралимпи чемпион Владислав Лекомцев.

Пыриськон понна пусйиськыны, куронъёсын но трассаослэн схемаосынызы тодматскыны марафонлэн сайтаз луэ.

Ватсалом, марафон дистанциос сяна (50 иськем воргоронъёс понна но 30 иськем нылкышноос понна), 2 но 10 иськеме бызьылонъёс, озьы ик эстафетаос луозы.



Наверх
Вниз