Ижкар+1 °C
13 -тӥ оштолэзь 2021 Пуксён
18+

Калыккуспо Олимпи комитет Максим Вылегжанинэз Олимпиадае ӧз лэзьы

  • 551
  • 0
Пхёнчхан / Лымшор Корея
Калыккуспо Олимпи комитет Максим Вылегжанинэз Олимпиадае ӧз лэзьы
Туспуктэм: Алексей Арзамасцев

Калыккуспо олимпи комитет Удмуртиысь куасэн бызьылӥсез Максим Вылегжанинэз Пхёнчханын ортчись Олимпи шудонъёсы ӧз ӧтьы. Кызьы ивортэмын комитетлэн сайтаз, таӵе пумкылъян Россиысь 15 спортсменъёс но тренеръёс ласянь кутэмын.

Спортъя арбитраж суд асьме куасэн бызьылӥсез шонере поттӥз ке но, МОК лыдъя, судлэн пумкылъянэз рос-прос валэктэмын ӧвӧл шуыса. Калыккуспо олипми комитетлэн ёзчиосыз малпамъя, судлэн пуктэтэз спортсменъёслэсь допинглы пумитъяськон куронъёсты тӥянын янгыш луыны быгатэмзэс уг палэнты. 

Спортъя арбитраж суд Россысь 28 атлетъёслэсь дисквалификацизэс палэнтэм бере, соос Кореяын ортчись Олимпиадае пыриськон понна куриськонъёс ыстӥзы вал.

Тодэ вайытом, Вылегжанин но мукетъёсыз куасэн бызьылӥсьёс, Сочиын ортчись Олимпиадаын допинглы пумитъяськон куронъёсты тӥямен янгыше уськытыса, калыккуспо ӵошатсконъёслэсь 2016-тӥ ар пумын палэнтэмын вал. 2017-тӥ арын шуркынмонэ МОК соосты янгыш кариз, Сочиын утэм медальёссэс талаз но Олимпи шудонъёслэсь пыраклы палэнтӥз. Со дыре ик та спортсменъёслэн одӥг пробазы но допингез ӧз возьматы.



Наверх
Вниз