Ижкар+1 °C
13 -тӥ оштолэзь 2021 Пуксён
18+

Пичи Пургаын выль куас базаез усьтӥзы

  • 698
  • 0
Пичи Пурга / Удмуртия
Пичи Пургаын выль куас базаез усьтӥзы
Туспуктэм: Никита Иванов

Туннэ, 22-тӥ тулыспалэ, Пичи Пургаын выль куас базаез усьтӥзы. Сое XXIV Спортъя элькун тол гурт шудонъёслы пуктӥзы. Сӥё-дано ужрадэ Удмуртиысь кивалтэтлэн тӧроез Ярослав Семёнов пыриськиз, ивортэ улосвыл тӧролэн но кивалтэтлэн пресс-службазы.

Тол гурт шудонъёс умой мед ортчозы шуыса, Пичи Пургаос ваньзэ лэсьтӥзы. Ми адӟиськомы, сяме пыӵамъя кузёослы кузьым луэ туала куронъёслы тупась куас база. Со дыраз но ӟечлыко, вань куронъёсты быдэстыса пуктэмын. Азинскон, тазалыко улон нуон, быгатонлыкъёсты но луонлыкъёсты азинтон понна татын ваньмыз вань
Ярослав Семёнов, Удмуртиысь кивалтэтлэн тӧроез

Черкогуртын улӥсьёс, ёрос кивалтӥсьёс, лэсьтӥськисьёс сяна, выль куас базаез усьтонэ озьы ик пыриськизы Удмуртиысь тодмо спортсменъёс — ньыль полэс Олимпи чемпионка Галина Кулакова, Олимпи шудонъёслэн кык полэс призёрез Иван Черезов но Паралимпи шудонъёслэн кык полэс чемпионэз Владислав Лекомцев.

Туннэ ик Спортъя элькун тол гурт шудонъёсты сӥё-дано усьто. Пичи Пургаын ӵошатсконъёс 21–24 тулыспалэ мынозы. Отчы быдэс Удмуртиысь 1 сюрслэсь трос спортсменъёс пырисько. Куинь нунал ӵоже куасэн бызьылонын, полиатлонын, хоккеен, баскетболэн, шахматэн но шашкиен шудонын кужмооссэ шараялозы. Нимаз ӵошатскозы спортэз яратӥсь семьяос, ёросъёслэн кивалтӥсьёссы.

Ватсалом, тол но гужем гурт шудонъёсты ортчытъян аръёс ӵоже Удмуртиын пуктэмын но выльдэмын 23 стадионъёс, 13 куас базаос, хоккеен шудыны 10 коробкаос.



Наверх
Вниз