Ижкар+1 °C
13 -тӥ оштолэзь 2021 Пуксён
18+

Элькун гурт шудонъёсы пыриськисьёслы но куноослы Удмуртиын шеп-пияшлэсь мунёзэ кузьмалозы

  • 914
  • 0
Ижкар / Удмуртия
Элькун гурт шудонъёсы пыриськисьёслы но куноослы Удмуртиын шеп-пияшлэсь мунёзэ кузьмалозы
Туспуктэм: Удмуртиысь физкультурая спортъя но егитъёсын ужанъя министерство

3–7 пӧсьтолэзе Киясаын Спортъя XXVII элькун гужем гурт шудонъёсы пыриськись 25 командаослы но куноослы ужрадлэсь тодмет пуссэ — шеп-пияш мунёез — кузьмалозы. Чеберлыко киужъёсъя ёрос юртысь ӧнерчиосын лэсьтэм мунёез Удмуртиысь физкультурая, спортъя но егитъёсын ужанъя министерствоын возьматӥзы.

Гур шудонъёслэн тодмет пусэз - шеп-пияш
Таӵе мунёз вань командаослы но куноослы кузьмалозы Фото: Удмуртиысь спортъя министерство ©

Пияшлэн футболкаез удмурт пужыосын чебертэмын, гадяз Удмуртилэн кунпусэз пуктэмын.

Шеп — огазе кариськемез, тупаса улонэз возьматэ. Командаослэн ёзчиоссы, шеплэн тысьёсыз сямен, вормон мылкыдын огазеясько. Асьме элькунын эшлыко но ужез гажась адямиос уло. Пияш азьланезлы оскон сётэ, выжыосын кылдытэмзэ утьыны оскон сётэ.

Тодэ вайытом, элькун гурт шудонъёслы Киясаын физкультурая но тазалыкез юнматонъя огъет но стадион пукто.



Наверх
Вниз