100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Скейт-парк но 50 метръем бассейн пуктозы Ижкарын 2019-тӥ арын

  • 319
  • 0
Ижкар / Удмуртия
Скейт-парк но 50 метръем бассейн пуктозы Ижкарын 2019-тӥ арын
Туспуктэм: ИА «Удмуртия»

2019-тӥ арын Удмуртилэн шоркараз скейт-парк но 50 метръем бассейн пуктозы. Ижкар шорын спортъя квартал кылдытонлэн нырысетӥ люкетаз Удмуртилэн тӧрлыкъёсыз 1 миллиард 2 миллион манетлэсь ятыр нимаз инвестициос кыскыны чаклало. Со сярысь, элькунлэн нырысетӥ вице-премьерез Александр Свинин вылэ чӧлскыса Интерфакс ивортэ.

Кивалтӥсьлэн кылъёсызъя, спортъя кварталэз Удмурт урамын «Ижсталь» йӧ дворец вӧзын лэсьтозы. Огъя вылтус кылдытон понна юртъёс но соослэн котырзы одӥг ӧрен быдэстэмын луозы.

Александр Свинин верамъя, спортъя кварталэз лэсьтонлэн нырысетӥ черодаз скейт-парк но бассейн пукон сяна, «Ижсталь» йӧ дворецез тупатъян но пыроз.

Бассейнлы но «Ижстальлы» гинэ 1 миллиард 200 миллион манетлэсь ятыр кутӥськоз. Уксё частной луоз
Александр Свинин, Удмуртилэн нырысетӥ вице-премьерез

Со пусйиз, спортъя кварталын озьы ик теннис кортъёс, тупатъям «Зенит» стадион но «Олимпиец» йӧ дворец луыны кулэ. Со сяна, стадион котырын парк лэсьтыны чакламын.

«2019-тӥ арын нырысетӥ черодэз йылпумъялом. Мон малпасько, 2020-тӥ арын, Удмуртилэн кунлыкезлы 100 ар тырмонлы, теннис кортэз йылпумъялом яке стадион котырысь интыез умоятом», — шуиз Александр Свинин.



Наверх
Вниз