Ижкар+1 °C
13 -тӥ оштолэзь 2021 Пуксён
18+

Киясаын элькун гужем гурт шудонъёс кутскизы

  • 514
  • 0
Кияса / Удмуртия
Киясаын элькун гужем гурт шудонъёс кутскизы
Туспуктэм: vk.com (Мо Киясовский-Район/А. Пономарев)

Удмуртиысь Киясаын Спортъя XXVII элькун гужем гурт шудонъёс кутскизы. Черкогуртысь выль стадионын кузьдалае тэтчанъя, шальы лэзьянъя но футболъя ӵошатсконъёс мыно.

Вож бусыын нырысь ик пумиськизы Кияса но Вотка ёросъёслэн командаоссы. Кузёос 3:0 лыдын вормизы.

Вераны кулэ, гурт шудонъёс Киясаын гинэ уг мыно. Лаптая ӵошатсконъёс Уддяди гуртын ортчо. Нырысетӥ пумиськонын Сьӧлта ёросысь воргоронъёслэн командазы Пичи Пурга ёрослэсь командазэ вормиз.

Физкультурая но тазалыкез юнматонъя «Юность» огъетын Удмуртиысь кивалтэтлэн но муниципал кылдытэтъёслэн командаоссы волейболын кужымзэс мертазы.

17 часын черкогуртысь стадионын шудонъёсты сӥё-дано усьтон ужрад кутскиз.

Тодэ вайытом, вис карылэм бере гурт шудонъёсын триатлонъя ӵошатсконъёс нош ик ортчозы



Наверх
Вниз