Ижкар+1 °C
13 -тӥ оштолэзь 2021 Пуксён
18+

Удмуртиысь Сергей Пудов но Арслан Гильмутдинов паравелоспортъя Дуннелэсь кубоксэ басьтӥзы

  • 558
  • 0
Бе-Комо / Канада
Удмуртиысь Сергей Пудов но Арслан Гильмутдинов паравелоспортъя Дуннелэсь кубоксэ басьтӥзы
Туспуктэм: vk.com (Центр спортивной подготовки Удмуртии. ЦСП)

Удмуртиысь Сергей Пудов но Арслан Гильмутдинов асьсэ классазы суй-пыдзыя сӧсыр спортсменъёс пӧлын шоссеын велосипедэн ворттылонъя Дуннелэсь кубоксэ утӥзы. Со сярысь «ВКонтакте» вотэсбамаз ивортэ элькунысь Огазеям командаосты спортъя дасянъя центр.

Дуннелэн кубокез понна вожвылъяськонлэн йылпумъян люкетэз 16-19 гудырикошконэ Канадаысь Бе-Комо карын ортчиз. Отчы 18 кунъёсысь 220 пала спортсменъёс люкаськизы. 17-тӥ гудырикошконэ нимаз ӵошатсконъёсын асьме спортсменъёс быдэн зарни медаль басьтӥзы: Арслан Гильмутдинов - С2 классын, Сергей Пудов - С4 классын.

19-тӥ гудырикошконэ группаын вожвылъяськонъёс ортчизы. Пудов нош ик тужгес кужмо луэмзэ возьматӥз. Гильмутдинов таяз ворттылонын бронза медаль утӥз.

Тодэ вайытом, Дуннелэн кубокез понна вожвылъяськонлэн нырысетӥ но кыкетӥ люкетъёсаз Удмуртиысь паравелосипедистъёс озьы ик медальёстэк ӧз кыльылэ. Спортсменъёсын Юрий Митриченко ужа.
 

 



Наверх
Вниз