Ижкар+1 °C
13 -тӥ оштолэзь 2021 Пуксён
18+

Пичи Пурга ёросысь Ульяна Иванова ӟуч шашкиосъя дуннелэн чемпионкаез луиз

  • 507
  • 0
Ярославль / Россия
Пичи Пурга ёросысь Ульяна Иванова ӟуч шашкиосъя дуннелэн чемпионкаез луиз
Туспуктэм: vk.com (Нина Сабирова)

Пиналъёс пӧлын шашкиосъя Европалэн чемпионкаез Пичи Пурга ёросысь Ульяна Иванова ӟуч шашкиосъя дуннелэн чемпионкаез луиз. Со сярысь «ВКонтакте» мерлыко вотэсбамаз Нылпи творчествоя ёрос юртлэн кивалтӥсез Нина Сабирова ивортэ.

Ульяна Иванова ӝог программаын вормиз, нош молниеносной амалын азвесь медаль утӥз.

Дуннелэн первенствояз Пичи Пургаысь эшшо одӥгез пинал шашист пыриське - Росси ӵошатсконъёслэн призёрез Елизар Моторин. Молниеносной но ӝог программаосын со витетӥ интыос басьтӥз. Азьланяз ӵошатскисьёсты классика амалэн шудонъёс витё.

Вожвылъяськон 20-29 гудырикошконэ Ярославльын ортче. Отчы Россиысь, Армениысь, Франциысь, Индиысь, Латвиысь, Эстониысь но Казахстанысь 200-лэсь ятыр пиналъёс пырисько. 

Тодэ вайытом, пӧсьтолэзе Пичи Пурга ёросысь пинал шашистъёс Приволжск федерал округлэн первенстволэн нырысетӥ люкетаз ваньмызлэсь трос медаль утӥзы. Нош инвожое Калыккуспо шашкиен шудонъя Россилэн чемпионатаз но первенствояз но ӟуч шашкиен шудонъя огъяросси ӵошатсконъёсын Пичи Пурга ёросысь пиналъёс дас медален бертӥзы.



Наверх
Вниз