Ижкар-7 °C
12 толсур 2018 Вирнунал
16+

Чехиысь но Словакиысь пиналъёс лыктозы Ижкаре следж-хоккеен шудонъя калыккуспо ӵошатсконэ

  • 205
  • 0
Ижкар / Удмуртиын
Чехиысь но Словакиысь пиналъёс лыктозы Ижкаре следж-хоккеен шудонъя калыккуспо ӵошатсконэ
Туспуктэм: Григорий Фомин

12-16 толсуре Ижкарын следж-хоккеен шудонъя М.Т. Калашников нимо кубок понна нырысетӥ калыккуспо вожвылъяськонъёс ортчозы. Ужрадэ Чехиысь но Словакиысь пинал спортсменъёс пыриськозы. Со сярысь Удмуртиысь Физкультурая, спортъя но егитъёсын ужан политикая министерстволэн пресс-службаез ивортэ.

Россиысь следж-хоккейлэсь азинскемзэ Башкортостанысь, Татарстаынсь, Удмуртиысь, Ханты-Манси автоном округысь, Оренбург но Тула улосвылъёсысь, Москваысь пиналъёслэн командаоссы возьматозы.

Вожвылъяськонэз сӥё-дано усьтон ужрад 13-тӥ толсуре 12 часын «Олимпиец» катокын радъяськоз. Россилэн йӧскалык сборноез но следж-хоккеен шудонъя В.Н. Кузнецов нимо «Удмуртия» клуб гала-матч ортчытозы.

2014-тӥ арын Паралимпиадаын азвесь медальёс утэм Владимир Каманцев, Иван Кузнецов но Евгений Петров пиналъёслэн командаоссы понна мастер-класс нуозы.

Ӵектос Удмуртилэн тӧроез Александр Бречалов кичӧлтэмъя элькун кивалтэт но «Белкамнефть» акционер огазеяськон куспын юнматэм тупанкылъя «САФМАР» ӟечлэсьтон фонд юрттэм улсын быдэстӥське. Радъясьёсыз – Удмуртиысь физкультурая, спортъя но егитъёсын ужан политикая министерство, суй-пыдзыя сӧсыр спортсменъёслэн элькун федерацизы но следж-хоккеен шудонъя В.Н. Кузнецов нимо «Удмуртия» клуб. 

Наши партнеры

Наверх
Вниз