Ижкар-7 °C
12 толсур 2018 Вирнунал
16+

Алнашын ортчоно XXV тол элькун гурт шудонъёслэн пусэз тодмо луиз

  • 180
  • 0
Алнаш / Удмуртиын
Алнашын ортчоно XXV тол элькун гурт шудонъёслэн пусэз тодмо луиз
Туспуктэм: vk.com (Республиканские зимние сельские игры Алнаши 2019)

Алнашын 2019-тӥ арын 20-23 тулыспалэ ортчоно XXV тол элькун гурт шудонъёслэн пусэз «Йӧ но тыл» луоз. Со сярысь ужрадлэн «ВКонтакте» мерлыко вотэсысь огиназ ивортэмын.

Республиканские зимние сельские игры Алнаши 2019
Фото: vk.com (Республиканские зимние сельские игры Алнаши 2019) ©

Эмблемалэн шораз солярной пус суредамын, со удмурт калыклэн ибырвесез лыдъяське. Лыз буёл лымыез но йӧэз, озьы ик спортсменъёслэсь лул кужымзэс возьматэ. Ибырвесь вадьсын спортъя шудонъёслэн тылзы суредамын. Озьы ик со чылкытлыклэн, вормон понна нюръяськонлэн, тупаса улонлэн но удмурт калыклэн эшъяськемелэн тодметэз луэ.

«А» буква шудонъёсты ортчытӥсь муниципал кылдытэтлэн нимызлэн нырысетӥ букваез, озьы ик Удмуртилэн но Татарстанлэн гожазы пуктэм «Удмуртилэсь лымшор капказэ» возьматэ. Буква кык куншетъёслэсь кылдытэмын: Удмуртилэн но Россилэн, со йӧскалык кусыпъёсты но удмурт но ӟуч калыкъёслэсь эшъяськемзэс возьматэ.

Алнаш ёрослэн куншетаз суредам пукыӵ ньӧл «А» буквалэн вамен гожез луиз. Со сяна, ньӧл спортсменъёслэсь вормонъёс доры кыстӥськемзэс но возьматэ кадь.

Греческой лыдпусъёс Гурт шудонъёсты Олимпи шудонёсын герӟало.

Кызьы веразы ивортодэтъя «Удмуртия» агентстволы Алнаш ёрос администрациысь Физкультурая но спортъя ёзэтын, XXV тол элькун гурт шудонъёслы пусэз Туймыйыл гуртысь лулчеберет удысын ужась Евгений Белкин кылдытӥз.

Тодэ вайытом, вуоно тол элькун гурт шудонъёслы Алнашын кус база но хоккей коробка пуктозы.

Наши партнеры

Наверх
Вниз