Ижкар+1 °C
13 -тӥ оштолэзь 2021 Пуксён
18+

Следж-хоккеен шудонъя «Удмуртия» команда М.Т. Калашников нимо кубокын кыкетӥ инты басьтӥз

  • 428
  • 0
Ижкар / Удмуртия
Следж-хоккеен шудонъя «Удмуртия» команда М.Т. Калашников нимо кубокын кыкетӥ инты басьтӥз
Туспуктэм: Руслан Нуриахметов

Егитъёс пӧлын следж-хоккеен шудонъя М.Т. Калашников нимо кубок понна калыккуспо вожвылъяськонъёсын «Удмуртия» команда кыкетӥ инты басьтӥз. Со сярысь ивортэмын Удмуртиысь командалэн «ВКонтакте» огиназ.

Ӵошатсконъёс 13-15 толсуре Ижкарысь «Олимпиец» катокын ортчизы. Куинь вожвылъяськон нуналъёслы йылпумъянъёсъя, следж-хоккеен шудонъя Россилэн сборноез нырысетӥ интыын. Та команда вань куинь шудонъёсын вормиз.

Асьме элькунысь егит следж-хоккеистъёс вормисьёслы гинэ 6:1 лыдын келязы. Европаысь сборноез «Удмуртия» команда 11:0 лыдын вормиз, нош «Башкирские пираты» командаен шудонын Удмуртиысь клуб 2 голлы пумит 5 шайба пыртӥз но азвесь призёр луиз.

М.Т .Калашников нимо кубокын куинетӥ инты «Башкирские пираты» команда басьтӥз. Европаысь сборной ньылетӥ луиз.

Тодэ вайытом, М.Т. Калашников нимо кубок понна калыккуспо вожвылъяськонъёс Ижкарын нырысьсэ ортчизы. Ӵошатсконъёсы Виктор Кузнецовлэсь нимзэ нуллӥсь «Удмуртия» клуб, Россилэн сборноез, Чехиысь но Словакиысь спортсменъёслэн огазеям командазы но «Башкирские пираты» команда пыриськизы.

Удмуртиын следж-хоккеен шудонъя «KALASHNIKOV CUP» ӵошатсконъёс кутскизы




Наверх
Вниз