Ижкар+11 °C
18 -тӥ коньывуон 2021 Вордӥськон
18+

Ӵужонболъя ӵошатскон ортчоз Удмуртиын

  • 695
  • 0
Пичи Пурга / Удмуртия
Ӵужонболъя ӵошатскон ортчоз Удмуртиын
Туспуктэм: pixabay.com

Ӵужонболъя чемпионатэ куриськонъёсты кутон кутскиз Удмуртиын. Выль амалэн ӵошатскон Пичи Пургаын 7-тӥ толшоре ортчоз, ивортэ ёрос лыдӟетъюртлэн пресс-службаез.

Кызьы шуэмын ивортонын, ӵужонбол гурт улонэз но хоккеез огазея. Катокын сяна, та шудонэн пӧртэм площадкаосын шудыны луэ. Куронъёсъя, ӵужонболэ вожвылъяськисьёс котькыӵе пыдкудчанэн пыриськыны быгато.

Клюшкаос интые одно ик ӵужон кутоно. Та арбериен шудӥсьёс тупез пумит луись командалэн капкаяз пыртыны кулэ. <…> Ворме со команда, кудӥз тужгес трос гол пыртӥз
Пичи Пурга ёрос лыдӟетъртлэн пресс-службаез

Пусъемын, ӵужонболъя ӵошатсконэ 10 аресысен пыриськыны луэ. Со понна мылкыд карисьёслы вить адямилэсь команда люкано но ёрос лыдӟетъюртэ куриськон сётоно. Ӵужонъёссэс спортсменъёс чемпионатэ сьӧразы вайыны яке радъясьёслэсь пунэманы быгато.

Ватсалом, вожвылъяськон Ымусьтон шулдыръяськонъёс дыръя 14 часын кутскоз. 

Тодэ вайытом, 31-тӥ толсуре Можга карын улӥсьёсты «Гынсапеглэн праздниказ» ӧтё.



Наверх
Вниз