Ижкар-2 °C
16 тулыспал 2019 Кӧснунал
16+

Олимпик но Варзинка XXV тол элькун гурт шудонъёслэн талисманъёсыз луозы Удмуртиын

  • 375
  • 0
Алнаш / Удмуртиын
Олимпик но Варзинка XXV тол элькун гурт шудонъёслэн талисманъёсыз луозы Удмуртиын
Туспуктэм: Удмуртиысь Спортъя министерстволэн пресс-службаез

20-23 тулыспалэ Алнашын ортчоно XXV тол элькун гурт шудонъёслэн талисманъёсыз Олимпик тыл пыры но Варзинка йӧ пыры луозы. Со сярысь Удмуртиысь Физкультурая, спортъя но егитъёсын ужан политикая министерстволэн пресс-службаез ивортэ.

Огонек но Варзинка.jpg

Азьвылгес ужрадлэн пусэз тодмо луиз – со «Йӧ но тыл».

Нырысь-валысь чакланъёсъя, спорт шудонъёсы Удмуртилэн вань гурт ёросъёсысьтыз 1 сюрс пала адями пыриськоз. Ӵошатсконъёслэн радлыказы: куасэн бызьылон, тол троеборье (полиатлон), хоккей, спорт семьяос, баскетбол, шахматэн но шашкиен шудон. Ёросъёслэн кивалтӥсьёссы ыбылӥськонын, дартсын но куасэн бызьылонын кужымзэс мерталозы.

Ёросъёслэн командаоссы интыосын ортчись ӵошатсконъёсын вормисьёслэн кылдытӥсько. Шудонъёслэн йылпумъян люкетаз пыриськисьёс баскетболэн, шахматэн но шашкиен шудонын тодмо ни. Та дыре хоккеистъёслэн быръён турниръёссы ортчо на.

Тол элькун гурт шудонъёслы Алнашын выль хоккей коробка но куас база пукто. Озьы ик югдытэм куас сюрес лэсьтэмын. 

Наши партнеры

Наверх
Вниз