Ижкар+11 °C
18 -тӥ коньывуон 2021 Вордӥськон
18+

Удмуртиысь йӧскалык огазеяськонъёслэн футзалъя элькун чемпионатсы ортчоз Ижкарын

  • 559
  • 0
Ижкар / Удмуртия
Удмуртиысь йӧскалык огазеяськонъёслэн футзалъя элькун чемпионатсы ортчоз Ижкарын
Туспуктэм: Григорий Фомин

23-24 тулыспалэ Ижкарысь «Металлург» культура юртлэн спортъя огъетаз Удмуртиысь лулчеберетъя йӧскалык огазеяськонъёс куспын футзалъя элькун чемпионат ортчоз. Ӵошатсконъёс Атыкай музъемез утисьлэн нуналэзлы сӥземын луозы, ивортэ Калыкъёслэн эшъяськон юртсылэн пресс-службаез.

Чемпионат Удмуртиысь армянъёслэн «Урарту» огазеяськонзы ӵектэмезъя, пӧртэм выжы калыкъёслэсь кусыпъёссэс юнматон но кужмооссэ спортсменъёсты шараян понна ортчытӥське. Радъяны юртто элькунысь Йӧскалык политикая министерство но Калыкъёслэн эшъяськон юртсы.

Ӵошатсконэ Удмуртиысь гинэ огазеяськонлэн ыстэм муртъёссы пыриськыны быгато. Туэ чемпионатлэн аспӧртэмлыкез – командаос кык «легионеръёсты», мукет калыклэн огазеяськонысьтыз спортсменъёсты, басьтыны быгато. 

Ӵошатсконъёслэн радлыксы:

23-тӥ тулыспалэ

  • 10:30 – Чемпионатэз сӥё-дано усьтон, пус чӧлтон;
  • 11:00 - 18:00 – футзалъя шудонъёс.

24-тӥ тулыспалэ

  • 11:00 – 15:00 – футзалъя йылпумъян шудонъёс. Данъян. 



Наверх
Вниз