100 лет государственности Удмуртии
Ижкар+17 °C
3 -тӥ инвожо 2020 Вирнунал
16+

XXVIII Элькун гужем гурт шудонъёсты усьтӥзы Сьӧлтаын

  • 249
  • 0
Сьӧлта / Удмуртия
XXVIII Элькун гужем гурт шудонъёсты усьтӥзы Сьӧлтаын
Туспуктэм: Удмуртиысь тӧролэн но кивалтэтлэн пресс-службазы

3-тӥ пӧсьтолэзе Сьӧлтаын XXVIII Элькун гужем гурт шудонъёсты сӥё-дано усьтӥзы. Черкогуртысь выль стадионэ 25 гурт ёросъёсысь 1 сюрс 500 пала спортсменъёс потӥзы. Ньыль нунал ӵоже соос спортысь 15 амалъёсын кужымзэс мерталозы.

XXVIII Элькун гужем гурт шудонъёсы усьтӥзы Сьӧлтаын

18 фото

Атлетъёсты но учкисьёсты бадӟым спорт праздникен Удмуртилэн тӧроез Александр Бречалов ӟечкылаз но радъясьёсты тау карон кылъёс вераз.

Зэмос яркыт, усто праздник пӧрмиз. Нырысь ик, отчы ёросын улӥсьёс, нылпиос пыриськемлы луыса. Мыным туж кельшиз. Умой, асьмелэсь ужан амалмес дунъяло шуыса. Туннэ, кылсярысь, Рязань улосвылысь спортъя министр лыктӥз. Ӟеч ужъёсмес азинтом
Александр Бречалов, Удмуртилэн тӧроез

Озьы ик со гурт шудонъёслы дасяськон улсын ёрос центр туж воштӥськиз шуыса пусйиз. Сьӧлта улон интыез умоятонъя программае пыриське. Соин валче ёрослэн инвестициосты кыскыны луонлыкъёсыз будо. Элькун тӧро оскемзэ вераз, Удмуртиысь гуртоос Росси азьмуртэн кичӧлтэм йӧскалык ӵектосъёсты быдэсъянэ мыло-кыдо пыриськозы.

Александр Бречалов вуоно аръёсы ӵошатсконъёсты ортчытон интыосты ялӥз. 2020-тӥ арын тол шудонъёс Дэриын ортчозы, гужем – Красногорскын. Озьы ик 2021-тӥ аръя пумкылъянъёс вань ни. Гуртоос тол шудонъёсы Вавоже люкаськозы, гужем – Граке.

Тодэ вайытом, гурт шудонъёс кутскон азьын Сьӧлтаын Мугорез но тазалыкез кыдатонъя выль огъетэз усьтӥзы, со Герман Скурыгинлэсь нимзэ нуллоз. 



Наверх
Вниз