100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Дэри, Алнаш но Сьӧлта ёросъёс вормизы элькун гурт шудонъёсын

  • 353
  • 0
Сьӧлта / Удмуртия
Дэри, Алнаш но Сьӧлта ёросъёс вормизы элькун гурт шудонъёсын
Туспуктэм: vk.com (Республиканские летние сельские игры с.Селты2019/Юлия Русских)

Сьӧлтаын XXVIII Элькун гужем гурт шудонъёс йылпумъяськизы. Асьсэ группаосазы Дэри, Алнаш но Сьӧлта ёросъёс вормизы. Со сярысь элькунысь спортъя дасяськонъя центрлэн «ВКонтакте» мерлыко вотэсысь огиназ ивортэмын.

2-6 пӧсьтолэзе 25 ёросъёсысь 1 сюрс 500 пала спортсменъёс 15 спорт амалъёсъя ӵошатсконъёсы пыриськизы. Со пӧлын капчи атлетика, волейбол, гира ӝутъян, мини-футбол, триатлон, шальы лэзьян, экраны нюръяськон, гозы кыскан, семьяослэн но кивалтӥсьёслэн ӵошатсконъёссы но мукет.

Сяме пыремъя вормисьёсты куинь группаосъя шараяло - ёросъёсын улӥсьёслэн лыдзыя.

Нырысетӥ группа:

1-тӥ инты – Дэри ёрос

2-тӥ инты – Пичи Пурга ёрос

3-тӥ инты – Ува ёрос

Кыкетӥ группа:

1-тӥ инты – Алнаш ёрос

2-тӥ инты – Шаркан ёрос

3-тӥ инты – Вавож ёрос

Куинетӥ группа:

1-тӥ инты – Сьӧлта ёрос

2-тӥ инты – Юкаменск ёрос

3-тӥ инты – Дэбес ёрос

XXVIII Элькун гужем гурт шудонъёсын вормисьёс (Сьӧлта, 2019)

3 фото

Тодэ вайытом, гурт шудонъёсты сиё-дано усьтон ужрадын Удмуртилэн тӧроез Александр Бречалов вуоно аръёсы ӵошатсконъёсты ортчытон интыосты ялӥз. 2020-тӥ арын тол шудонъёс Дэриын ортчозы, гужем – Красногорскын. 2021-тӥ арын гуртоос тол шудонъёсы Вавоже люкаськозы, гужем – Граке.

Элькун гурт шудонъёслы Сьӧлтаын стадион но Герман Скурыгин нимо ФОК пуктӥзы



Наверх
Вниз