Ижкар-4 °C
22 шуркынмон 2019 Удмуртарня
16+

Шахматъя Россилэн суперфиналъёсыз ортчозы Удмуртиын

  • 287
  • 0
Ижкар / Удмуртия
Шахматъя Россилэн суперфиналъёсыз ортчозы Удмуртиын
Туспуктэм: Руслан Нуриахметов

2019-тӥ арын 9-23 гудырикошконэ Удмуртиын шахматэн шудонъя воргоронъёслэн 72-тӥ но нылкышноослэн 69-тӥ Росси чемпионатъёссылэн суперфиналъёссы ортчозы. Со сярысь Удмуртиысь Физкультурая, спортъя но егитъёсын ужан политикая министерстволэн пресс-службаез ивортэ.

9-12 гудырикошконэ ӵошатсконъёс Воткаысь П. И. Чайковскийлэн музей-юртаз ортчозы, нош 13-23 гудырикошконэ тужгес кужмоосыз шахматистъёс Ижкарын Калыкъёслэн эшъяськон юртазы пумиськозы

Воргоронъёс пӧлын суперфиналъёсы пыриськозы: Татарстанысь Владислав Артемьев, Санкт-Петербургысь Владимир Федосеев, Никита Витюгов, Максим Матлаков, Кирилл Алексеенко, Ханты-Манскийск автоном округысь Дмитрий Яковенко, Саратов улосвылысь Евгений Томашевский, Москваысь Эрнесто Инаркиев, Александр Мотылёв, Москва улосвылысь Алексей Дреев, Алексей Сарана но Самара улосвылысь Александр Предке.

Нылкышноос пӧлын ӵошатскозы Ханты-Мансийск автоном округысь Ольга Гиря, Москваысь Александра Костенюк, Валентина Гунина, Алина Кашлинская, Дарья Чарочкина, Полина Шувалова, Ямало-Ненец автоном округысь Александра Горячкина, Саратов улосвылысь Наталья Погонина, Татарстанысь Зарина Шафигуллина, Санкт-Петербургысь Анастасия Боднарук, Ростов улосвылысь Елена Томилова но Краснодар шаерысь Маргарита Потапова.

Ӵошатсконъёс круген 11 турен ортчозы.

Туэ кузымъёсын огъя фондлэн быдӟалаез 10 миллион манет луэ. Со сяна, воргоронъёс но нылкышноос пӧлын вормисьёслы Renault Arkana машинаос сётозы

Ӵошатсконъёсты Россиысь Шахматъя федерация но Елена но Геннадий Тимченкоослэн ӟечлэсьтонъя фондзы радъяло. Ужрадэз воргоронъёс но нылкышноос пӧлын 2019-тӥ ар понна Россилэсь чемпионъёссэ шараян, спортсменъёслэсь быгатонлыкъёссэс будэтон но Россилэн люкам командаяз шахматистъёсты быръён понна ортчыто. 

Наши партнеры

Наверх
Вниз