Ижкар-1 °C
15-тӥ шуркынмон 2019 Удмуртарня
16+

Пенсионеръёслэн огъяросси спартакиадаязы мынӥсь арлыдоосын пумиськон ортчиз Удмуртиысь Кун Кенешын

  • 398
  • 0
Ижкар / Удмуртия
Пенсионеръёслэн огъяросси спартакиадаязы мынӥсь арлыдоосын пумиськон ортчиз Удмуртиысь Кун Кенешын
Туспуктэм: Физкультурая, спортъя но егитъёсын ужан политикая министерстволэн пресс-службаез

Туннэ, 8-тӥ гудырикошконэ, Удмуртиысь Кун Кенешын Пенсионеръёслэн огъяросси спартакиадаязы мынӥсь тямыс спортсменъёсын пумиськон радъязы. Ӵошатсконъёс 24-27 гудырикошконэ Уфаын ортчозы.Со сярысь Удмуртиысь Физкультурая, спортъя но егитъёсын ужан политикая министерстволэн пресс-службаез ивортэ.

Спортсменъёслы ӟеч кылъёс вераз улосвыл парламентлэн тӧроезлэн нырысетӥ воштӥсез, «Огъя Россия» партилэн улосвыл ёзэтэзлэн секретарез Владимир Невоструев.

Ваньдэсты ик спартакиадалэн улосвыл люкетаз вормонэныды ӟечкыламе потэ. Оглом, спортсменъёсмылэн луонлыкъёссы вылӥын. Соин ик выль вормонъёс но кыдёкын ӧвӧл! Удмуртилэн командаезлы пуктэм ужпумъёсты быдэстыны но азьлань гинэ вамышъяны сӥзисько
Владимир Невоструев, Удмуртиысь Кун Кенешлэн тӧроезлэн нырысетӥ воштӥсез

Элькунысьтымы арлыдо спортсменъёс пуляен ыбылӥськонын, уянын, ӝӧквыл теннисын, капчи атлетикаын, шахматэн шудонын кужымзэс мерталозы. 

Сюрес вылэ потон азьын командалы ӟеч сӥзёнъёс вераны Россиысь пенсионеръёслэн кенешсылэн Удмуртиысь тӧроез Любовь Шамшурина, Удмуртиысь физкультура но спорт удысысь ветеранъёслэн улосвыл огазеяськонзылэн тӧроез Татьяна Пензина, Удмуртиысь физкультурая, спортъя но егитъёсын ужан политикая министерствоысь, Спортъя дасяськонъя элькун центрысь ыстэм муртъёс вуылӥзы.

Арлыдоослэн спартакиадаязы пыриськисьёс понна Кун Кенешлэн юртаз экскурсия ортчытӥзы.

Ватсалом, Уфаын Пенсионеръёслэн огъяросси спартакиадаязы 70 улосвылъёсысь 600-лэсь ятыр ӵошатскисьёс пыриськозы. Азьвыл аръёсы спартакиадалэн финалъёсыз Чебоксарыын, Саратовын, Тулаын, Пензаын но Новосибирскын ортчылӥзы. Удмуртилэн командаез ӵошатсконъёсы куатетӥзэ пыриськоз ини. Кылем арын спортсменъёсмы асьсэзыз умой возьматӥзы. 

Наши партнеры

Наверх
Вниз