Ижкар+18 °C
24 гудырикошкон 2019 Кӧснунал
16+

«Кубок Мужества» вожвылъяськонэ пыриськозы Удмуртиысь следж-хоккеистъёс

  • 219
  • 0
Москва / Россия
«Кубок Мужества» вожвылъяськонэ пыриськозы Удмуртиысь следж-хоккеистъёс
Туспуктэм: Руслан Нуриахметов

Удмуртиысь следж-хоккеистъёс Россиысь кужмоосыныз клубъёсын ӵош «Кубок Мужества» вожвылъяськонэ пыриськозы. Ӵошатсконъёс 14-20 гудырикошконэ Москваысь спортъя «Умка» дворецлэн йӧ аренаяз ортчозы. Со сярысь Россиысь Паралимпи комитетлэн пресс-службаез ивортэ.

Кубок понна 2018/2019 сезонысь вить кужмоосыз командаос нюръяськозы: «Югра» (ХМАО-Югра), «Феникс» (Москва улосвыл), «Ястребы» (Оренбург улосвыл), «Удмуртия» (Удмурт Элькун) но «Белые медведи» (Москва кар).

Туннэ нуналлы тужгес нимо-дано луэ «Феникс» клуб, со Россилэн чемпионатаз вить пол вормылӥз, «Югралэн» ньыль вормонъёсыз, «Удмуртия» кык пол зарни медальёс утылӥз

Тодэ вайытом, кылем арын «Кубок Мужества» вожвылъяськон йылпумъяськиз. «Удмуртия» команда кыкетӥ инты басьтӥз.

«Удмуртия» клублэн пумиськонъёсыз:

15-тӥ гудырикошконэ: 13:30 – 15:30 СХК «Ястребы» - СХК «Удмуртия»

17-тӥ гудырикошконэ: 12:15 – 14:15 СХК «Югра» - СХК «Удмуртия»

18-тӥ гудырикошконэ: 10:00 – 12:00 СХК «Белые медведи» - СХК «Удмуртия»

19-тӥ гудырикошконэ: 10:45 – 12:45 СХК «Удмуртия» - СХК «Феникс».

Вормисьёсты пусъён 19-тӥ гудырикошконэ ортчоз

Ватсалом, «Кубок Мужества» вожвылъяськонэ Россилэн огазеям командаысьтыз ваньмыз сямен спортсменъёс пыриськозы. Со В группаын дуннелэн чемпионатэзлы дасяськонлэн люкетэз луоз.

В группаын дуннелэн чемпионатэз 13-23 шуркынмонэ Берлинын ортчоз. Россиысь следж-хоккеистъёс Калыккуспо паралимпи комитетэн радъяськылӥсь ӵошатсконъёсы куинь ар ӧз пыриськылэ ни. 2022-тӥ арын Пекинэ XIII Паралимпи шудонъёсы шедён понна асьме спортсменъёслы В группаын 1-тӥ яке 2-тӥ инты басьтыны кулэ, со А группае потыны луонлык сётоз. Ӵапак А группаын дуннелэн чемпионатаз, кудӥз 2021-тӥ арын ортчоз, вуоно Паралимпиадае нырысетӥосыз пыриськисьёс тодмо луозы. Та дырозь Россилэн огазеям командаез А группаын дуннелэн чемпионатъёсаз кык пол (2013 но 20215 аръёсы) куинетӥ луылӥз, нош 2012-тӥ арын В группаын зарни медальёс утӥз. 

Тодэ вайытом, Удмуртиын следж-хокеен шудонъя нылпи команда кылдытӥзы.  

Наши партнеры

Наверх
Вниз