Ижкар+23 °C
18 гудырикошкон 2019 Воскресенье
16+

Паравелоспортъя Дуннелэсь кубоксэ басьтӥз Удмуртиысь Сергей Пудов

  • 202
  • 0
Бе-Комо / Канада
Паравелоспортъя Дуннелэсь кубоксэ басьтӥз Удмуртиысь Сергей Пудов
Туспуктэм: vk.com (Сергей Пудов)

Удмуртиысь Сергей Пудов бӧрсьысь кыкетӥ арзэ паравелоспортъя Дуннелэсь кубоксэ басьтӥз. Со сярысь Россиысь Паралимпи комитетлэн пресс-службаез ивортэ.

Суй-пыдзыя сӧсыр спортсменъёс пӧлын велоспортъя Дуннелэн кубокез понна вожвылъяськонлэн куинь люкетъёсаз Пудов 5 зарни но 1 азвесь медальёс утӥз

Нырысетӥ люкетаз Италиысь Корридона карын улосчимы ас чотаз но группаен ӵошатсконъёсын вормиз но рейтингъя лыдметлэн нырысетӥ чураз интыяськиз. Бельгиысь Остенде карын азвесь но зарни басьтӥз. Канадын нош ик ваньзэсты азьпалтӥз, со пӧлын 2018-тӥ ар понна дуннелэсь чемпионзэ Италиысь Мишель Питтаколоез (Michele Pittacolo).

«Куинетӥ люкетын медаль басьтыны оскиськом вал, нок зарни луоз шуыса – ум», - гожтӥз Сергей Пудов «Инстаграм» мерлыко вотэсысь бамаз. 

Тодэ вайытом, кылем арын Удмуртиысь Сергей Пудов но Арслан Гильмутдинов асьсэ классазы суй-пыдзыя сӧсыр спортсменъёс пӧлын шоссеын велосипедэн ворттылонъя Дуннелэсь кубоксэ басьтӥзы.

Наши партнеры

Наверх
Вниз