Ижкар+5 °C
21 куарусён 2019 Кӧснунал
16+

Следж-хоккейя усьтэм элькун ӵошатсконъёс ортчозы Ижкарын

  • 663
  • 0
Ижкар / Удмуртия
Следж-хоккейя усьтэм элькун ӵошатсконъёс ортчозы Ижкарын
Туспуктэм: Руслан Нуриахметов

5-10 куарусёнэ Ижкарысь «Олимпиец» йӧ вылын следж-хоккейя «Мемориал Виктора Николаевича Кузнецова» нимо усьтэм элькун ӵошатсконъёс ортчозы. Со сярысь Удмуртиысь тӧролэн но кивалтэтлэн пресс-службазы ивортэ.

Ӵошатсконъёсты следж-хоккеен шудонэз вӧлмытон но азинтон понна, суй-пыдзыя сӧсыр луись муртъёсты спортэн эшъяськытон понна радъяло. 2019-тӥ арын ужрад Удмуртилэн тӧроеныз ялэм Тазалыклэн арез но Михаил Калашниковлы 100 ар тырмонэз пусъён улсын ортчоз.

Ӵошатсконъёсы пыриськон понна вить командаос вазиськизы: Ханты-Мансийск автоном округысь, Оренбург, Москва улосвылъёсысь, Башкортостанысь но Удмуртиысь

Командае 25 адями пыре. Турнир котыр амалъя ортчоз: котькуд команда котькудӥныз шудоз. Шудонъёс бӧрсьы вань пыриськисьёсты синпель кузьымъёсын пусъёзы.

Ӵошатсконъёсты сӥё-дано усьтон ужрад 6-тӥ куарусёнэ 13 часын ортчоз. Отчы вань мылкыд карисьёсты ӧтё. Пыронэз дунтэк

Ужрад Россилэн азьмуртэныз Владимир Путинэн кичӧлтэм «Демография» йӧскалык ӵектос улсын Удмуртиысь физкультурая, спортъя но егитъёсын ужан политикая министерстволэн, Удмуртиысь люкам командаослэн спортъя дасяськонъя центрзылэн, Удмуртиысь суй-пыдзыя сӧсыр луисьёслэн физкультурая но спортъя федерацизылэн но следж-хоккейя «Удмуртия» клублэн юрттэмзы улсын ортчоз.

Тодэ вайытом, следж-хоккейя «Удмуртия» команда Елена но Геннадий Тимченкоослэн Ӟечлэсьтон фондысьтызы 1 миллион манет тыр грант утӥз. Коньдонлы луыса элькунамы следж-хоккейя нылпи команда кылдытӥське, мастер-классъёс, дышетонъя семинаръёс, эм эскеронъёс ортчо. 

Наши партнеры

Наверх
Вниз