Ижкар+5 °C
21 куарусён 2019 Кӧснунал
16+

Тодмо куасэн бызьылӥсьлы Галина Кулаковалы синпелет пуктозы Удмуртиын

  • 488
  • 0
Вотка / Удмуртия
Тодмо куасэн бызьылӥсьлы Галина Кулаковалы синпелет пуктозы Удмуртиын
Туспуктэм: Алексей Арзамасцев

Удмуртиысь Вотка ёросысь туризмъя «Камские дали» огъетын ньыль полэс олимпи чемпионкалы Галина Кулаковалы синпелет пуктозы. Со сярысь элькунысь спортъя дасяськонъя центрлэн «ВКонтакте» мерлыко вотэсысь огиназ ивортэмын.

Синпелетэз сӥё-дано усьтон 7-тӥ куарусёнэ 12 часын ортчоз

Ужрадэ ачиз куасэн бызьылӥсь но вуоз. Соин вераськыны, автографсэ курыны но «Королева по имени Галина» книгаез басьтыны луоз. Сое Галина Кулаковалы 75 арес тырмонлы 2017-тӥ арын поттӥзы. Книгаын калыке поттылымтэ туспуктэмъёсыз вань.

Озьы ик куноослы кизилиен зарядка, скандинав амалэн ветлонъя, шахматъя, ӝӧквыл теннисъя, «Зумба» эктонъя занятиос ортчытозы. Тренеръёс Воткаысь но ёросысь тужгес усто спортсменъёс луозы. Со сяна, шутэтскон интыос, шулдыръяськон программаос ужалозы, вузкарозы.

Наши партнеры

Наверх
Вниз