Ижкар+5 °C
21 куарусён 2019 Кӧснунал
16+

Дуннелэн кубокеныз берто Пичи Пургаысь шашистъёс Италиысь

  • 357
  • 0
Тоскана / Италия
Дуннелэн кубокеныз берто Пичи Пургаысь шашистъёс Италиысь
Туспуктэм: vk.com (Сергей Юрин)

Пичи Пургаысь шашистъёс Италиысь Тосканаын 5-7 куарусёнэ ортчем Калыккуспо шашкиен шудонъя дуннелэн нырысетӥ кубоказ вормисе потӥзы. Со сярысь Пичи Пурга ёрослэн тӧроез Сергей Юрин «ВКонтакте» мерлыко вотэсысь огиназ ивортэ.

Пиос одӥг партизэс но ӧз келялэ, озьы вожвылъяськисьёссылы одӥг луонлык но ӧз сётэ. Дорамы кык кубок ваё – соос классикаын но, блицын но вормисе потӥзы
Сергей Юрин, Пичи Пурга ёрослэн тӧроез

Пусъём, Италие ӵошатсконъёсы Пичи Пурга ёросысь куинь пиналъёс ветлӥзы – Максим Волков, Кирилл Возняков но Елизар Моторин. Соосты Пичи Пургаысь «Шашки и шахматы» огазеяськонэн кивалтӥсь Фирдус Абдрахманов дышетэ.

Тодэ вайытом, шашистъёсмы Дуннелэн кубокез понна вожвылъяськонэ пыриськыны луонлык басьтӥзы сю клеткаем шашкиосын шудонъя Россилэн первенствояз, ӟуч шашкиосъя огъяросси ӵошатсконъёсын но Россиысь школаосын покчи классъёсын дышетскисьёс пӧлын сю клеткаем шашкиосъя Дуннелэн кубокез понна нырысетӥ вожвылъяськонэ командаен быръён турнирын асьсэдыз умой возьматэменызы.

Наши партнеры

Наверх
Вниз