Ижкар+5 °C
21 куарусён 2019 Кӧснунал
16+

Азвесь медальёс утӥзы Удмуртиысь капчиатлетъёс эстафета бызьылонъя Россилэн чемпионатаз но первенствояз Сочиын

  • 333
  • 0
Сочи / Россия
Азвесь медальёс утӥзы Удмуртиысь капчиатлетъёс эстафета бызьылонъя Россилэн чемпионатаз но первенствояз Сочиын
Туспуктэм: vk.com (Легкая Атлетика Удмуртия)

Удмуртиысь капчиатлетъёс Сочиын ортчем эстафета амалэн бызьылонъя Россилэн чемпионатысьтыз но первенствоысьтыз азвесь медальёсын кык комплект ваёзы. Со сярысь Удмуртиысь капрчи атлетикая федерацилэн «ВКонтакте» мерлыко вотэсысь огиназ ивортэмын.

Ӵошатсконъёс 8-9 куарусёнэ Адлерын ортчизы.

Удмуртилэн командаез: Екатерина Зорина, Дарья Рябкова, Александр Баранов, Кирилл Владимиров – Россилэн первенствоезлэсь азвесь медальёссэ утӥз. Спортсменъёсмы эстафетаез оглом 3:35,24 дыр ӵоже ортчизы

Нырысетӥ луизы Сахалин улосвылысь ӵошатскисьёс.

Быдэ вуымтэослэн командазы: Кирилл Варламов, Анна Красильникова, Карина Першакова но Савва Ермолин – куатетӥ луиз. Пиналъёс 3:42,75 дыр возьматӥзы.

Со сяна, швед амалэн эстафетаын Удмуртиысь нылъёслэн юниор командазы висъяськиз. Соос но кыкетӥ луизы

Командае Карина Першакова, Анна Красильникова, Дарья Рябкова но Екатерина Зорина пыриськизы.

Пиос-юниоръёс куатетӥ луизы. Командае Иван Кузяков, Кирилл Владимиров, Илья Злобин но Александр Баранов пыриськизы. 

Наши партнеры

Наверх
Вниз