Ижкар+2 °C
20 коньывуон 2019 Воскресенье
16+

Россиысь спортъя министр 50-тӥяз «Ижысь винтовкае» лыктыны мылкыдзэ вераз

  • 283
  • 0
Москва / Россия
Россиысь спортъя министр 50-тӥяз «Ижысь винтовкае» лыктыны мылкыдзэ вераз
Туспуктэм: Удмуртиысь тӧролэн но кивалтэтлэн пресс-службазы

Туэ толсуре биатлонъя 50-тӥяз «Ижысь винтовка» ӵошатсконэ Россиысь спортъя министр лыктыны быгатоз. Сыӵе мылкыдзэ Павел Колобков Удмуртилэн тӧроеныз Александр Бречаловен 7-тӥ коньывуонэ Москваын пумиськылыкуз вераз, ивортэ улосвыл тӧролэн но кивалтэтлэн пресс-службазы.

Биатлонъя пусйымон турнир таяз арын котырес дырпуссэ пусъе. <…> Туж потэ отчы мынэме
Павел Колобков, Россиысь спортъя министр

Озьы ик федерал министр Спортэн тунсыкъяськисьёс пӧлын спортлэн тол амалъёсызъя огъяросси шудонъёсы лыктоз шуыса вераз. Нырысьсэ соос эскерон турнир сямен 2018-тӥ арын ортчизы. Табере со, Павел Колобков верамъя, нимлыко ӵошатскон, кудӥз Россилэн азьмуртэз куремъя ортчытӥське но Россиысь спортъя министерстволэн дырпусъя ужанрадлыказ пыртэмын.

Пумиськонын кивалтӥсьёс та арлы йылпумъянъёс лэсьтӥзы, ортчем ӵошатсконъёслы йылпумъянъёс лэсьтӥзы, вуоно арлы ужанрадлыкез эскеризы.

Вераны кулэ, Удмуртия ми понна туж пусйымон улосвыл луэ. Ужрадъёс пӧртэм категориысь адямиослы ортчытъясько – пиналъёслы, егитъёслы, шоро-куспо но бадӟым арлыдъемъёслы. Со «Спорт – норма жизни» федерал ӵектосэн пусъем ужпумъёс быдэстэмын луозы шуыса оскон сётэ
Павел Колобков, Россиысь спортъя министр

Александр Бречалов улосвыл тӧрлыкъёслэсь «Удмуртия – спортлэн интывылэз» инлыкез юнматыны мылкыдзэс пусйиз. Озьы спорт инфраструктураез, со пӧлын гурт ёросъёсын, азинтонлы бадӟым саклык висъяське шуыса вераз.

Мар ми али лэсьтӥськомы Россиысь спортъя министерствоен ӵош – со бадӟым вамыш. Гурт ёросъёсын ми кык поллы тросгес стадионъёсты тупатъяськом но выльдӥськом. Воткаын 220 учкисьёслы чаклам йӧ дворец пуктэмын, таяз арын Шарканын федерал программая куас центрез быдэстӥмы, табере со дано куасчилэсь Максим Вылегжанинлэсь нимзэ нуллэ, вуоно арын ми отын питрано куасэн ветлон сюрес лэсьтомы
Александр Бречалов, Удмуртилэн тӧроез

Улосвыл тӧролэн верамезъя, али Ижкарын 50 метръем бассейнэз пуктон ужъёсты азьланьтозы. Вуоноез ӵектос – «Ижсталь» йӧ дворец. Со сяна, федерал министерствоен ӵош спортысь экстремальной амалъёсты азинтыны мылкыдъёсты шараяз.

Россиысь спортъя министерство Удмурт Элькун понна одӥгез валтӥсез партнёр, кудӥныз вань чакланъёс 100 процентлы быдэстӥсько, пайдалыко но ӝог
Александр Бречалов, Удмуртилэн тӧроез

Тодэ вайытом, 1-3 шуркынмонэ Ижкарын 23 аресозь спортсменъёс пӧлын дзюдоя Европалэн чемпионатэз ортчоз. Ужрадэ 300-лэсь трос спортсменъёсты возьмало. 

Наши партнеры

Наверх
Вниз