Ижкар+2 °C
20 коньывуон 2019 Воскресенье
16+

Куинетӥ инты басьтӥзы Удмуртиысь следж-хоккеистъёс Россилэн чемпионатэзлэн нырысетӥ люкетаз

  • 260
  • 0
Алексин / Россия
Куинетӥ инты басьтӥзы Удмуртиысь следж-хоккеистъёс Россилэн чемпионатэзлэн нырысетӥ люкетаз
Туспуктэм: Руслан Нуриахметов

1-8 коньывуонэ Тула улосвылысь Алексин карын следж-хоккеен шудонъя Россилэн чемпионатэзлэн нырысетӥ люкетаз Удмуртиысь спортсменъёс 17 очкоен куинетӥ инты басьтӥзы. Со сярысь «ВКонтакте» мерлыко вотэсысь «Удмуртия» следж-хоккей» огинын ивортэмын.

Йӧ вылэ тямыс потӥз: «Удмуртия», «Феникс» (Москва улосвыл), «Югра», Москвалэн огазеям командаез, Челябинск улосвыллэн огазеям командаез, «Ястребы» (Оренбург улосвыл), «Звезда» (Тула улосвыл), «Башкирские пираты».

Россилэн чемпионатэзлэн нырысетӥ кругаз 28 шудонъёс ортчизы.

В. Н. Кузнецов нимо «Удмуртия» клублэн пумиськонъёсызлы йылпумъянъёс:

«Удмуртия» – Москвалэн огазеям командаез 2:1;
«Удмуртия» – «Ястребы» 2:0;
«Удмуртия» – Челябинск улосвыллэн огазеям командаез 14:0;
«Удмуртия» – «Звезда» 5:1;
«Удмуртия» - «Югра 1:0 (б);
«Удмуртия» - «Феникс» 2:10;
«Удмуртия» - «Башкирские пираты» 8:1.

Нырысетӥ люкет бере нырысетӥ интыын Юграысь следж-хоккеистъёс (19 очкоен), кыкетӥ интыын - «Феникс» (18 очкоен).

Вожвылъяськонлэн кыкетӥ люкетэз Выль ар бере ортчоз.

Тодэ вайытом, 2018/2019 аръёсы сезонын «Удмуртия» чемпионатлэн нырысетӥ люкетаз но оглом турнирын ньылетӥ луиз. Вормизы Ханты-Мансийск автоном округысь спортсменъёс.

Наши партнеры

Наверх
Вниз