Ижкар+2 °C
20 коньывуон 2019 Воскресенье
16+

Куинь вормон куинь пумиськонын: Удмуртиысь пинал следж-хоккеистъёс нырысетӥ нимлыко ӵошатсконъёсазы потазы

  • 226
  • 0
Казань / Россия
Куинь вормон куинь пумиськонын: Удмуртиысь пинал следж-хоккеистъёс нырысетӥ нимлыко ӵошатсконъёсазы потазы

Удмуртиысь пинал следж-хоккеистъёс нырысетӥ нимлыко ӵошатсконъёсазы потазы но куинь пумиськонын куинь вормон басьтӥзы. Приволжск федерал округысь пиналъёслэн командаоссы пӧлын эшлыко турнир Казаньын 4-6 коньывуонэ ортчизы. Со сярысь Следж-хоккеен шудонъя нылпи лигалэн сайтаз ивортэмын.

Ӵошатсконъёсы ньыль команда пыриськиз: Ижкарысь «Удмуртия», Чебоксарыысь «Атал», «Саратовыль «Крылья» но Обренбургысь «Ястребы».

Туннэ та турнирын кык командаос, «Ястребы» но «Удмуртия», нырысьсэ нимлыко ӵошатсконъёсы пырисько. Соос понна нырысетӥез опыт, шумпоттэ, пиналъёслэн синъёссы ӝуало шуыса. Пиналъёс йӧ вылэ нырысьсэ потӥзы ке но, соос умой шудон возьматӥзы
Анастасия Барадачёва, Следж-хоккеен шудонъя нылпи лигалэн азьмуртэз

Удмуртиысь пиналъёс «Аталэз» 2:1, Оренбургысь «кырныжъёсты» 5:2 но Саратовысь «бурдъёсты» 3:1 лыдыны вормизы.

Анастасия Барадачёва оскемзэ вераз, та турнир пиналъёслы Лигалэн шуркынмонэ-толсуре ортчоно Кыкетӥ фестиваляз асьсэдыз умой возьматыны мылкыд сётоз.

Тодэ вайытом, Удмуртиын пиналъёслэсь следж-хоккеен шудонъя командазэс 2019-тӥ арын гинэ кылдытӥзы, солы Елена но Геннадий Тимченкоослэн ӟечлэсьтон фондзы юрттӥз. Командаен тодматон 12-тӥ гудырикошконэ ортчиз

Ватсалом, бадӟымъёсыз следж-хоккеистъёс та нуналъёсы Россилэн чемпионатэзлэн нырысетӥ люкетаз пыриськизы, «Удмуртия» али куинетӥ интыын. 

Наши партнеры

Наверх
Вниз