100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Гурезьёсын шугадӟонэ шедемъёслы юрттонъя калыккуспо ӵошатсконъёсын Удмуртиысь спасательёс кыкетӥ луизы

  • 340
  • 0
Севастополь / Россия
Гурезьёсын шугадӟонэ шедемъёслы юрттонъя калыккуспо ӵошатсконъёсын Удмуртиысь спасательёс кыкетӥ луизы
Туспуктэм: Россиысь МЧС-лэн элькунъя валтӥсь управлениезлэн пресс-службаез

Удмуртиысь спасательёс гурезьёсын шугадӟонэ шедемъёслы юрттонъя «Crimea Rescue Fest 2019» IX калыккуспо ӵошатсконъёсын кыкетӥ инты басьтӥзы. Со сярысь Россиысь МЧС-лэн элькунъя валтӥсь управлениезлэн пресс-службаез ивортэ.

Удмуртилэсь данзэ «Удмурт Элькунысь поисково-спасательной ёзэс» кун ужъюртлэн командаез утиз

Ӵошатсконъёс Севастополь котырын 17-20 коньывуонэ «Большая Севастопольская Тропа 2019» фестиваль улсын ортчизы. Россилэн пӧртэм улосвылъёсысьтыз командаос меӵ гурезь борддоръёсын юрттэт сётӥзы, шугадӟонэ шедемъёсты 100 метр кемысь васькытӥзы, соосты гурезь гыркъёсысь сюбег интыостӥ поттазы, нуназе но уйин утчан ужъёсты нуизы.

Таӵе ӵошатсконъёсы пыриськон спасательёслэсь быгатонлыкъёссэс будэтыны, гурезьёсын нимысьтыз туала тӥрлыкен ужан амалъёсты огазеяны но вӧлмытыны, утчан-юрттон ужъёсты нуон дыръя валчеужанэз радъяны луонлык сётэ. 



Наверх
Вниз