Ижкар+7 °C
26 -тӥ куарусён 2020 Кӧснунал
18+

Удмуртиысь пинал следж-хоккеистъёс азвесь медальёс утӥзы Сочиын росси ӵошатсконъёсын

  • 362
  • 0
Сочи / Россия
Удмуртиысь пинал следж-хоккеистъёс азвесь медальёс утӥзы Сочиын росси ӵошатсконъёсын
Туспуктэм: vk.com («Удмуртия» следж-хоккей)

Следж-хоккеен шудоъя нылпи лигалэн фестиваляз Сочиын Удмуртиысь пиналъёслэн командазы 1-тӥ дивизионын азвесь медальёс утӥз. Со сярысь «ВКонтакте» мерлыко вотэсысь «Удмуртия» следж-хоккей» огинын ивортэмын.

Элькунысьтымы пиналъёс Тула улосвылысь «Тропик», Оренбург улосвылысь «Ястребы» но Саратов улосвылысь «Крылья Советов» командаосын шудӥзы. Кыказ пумиськонын вормыса, В. Н. Кузнецов нимо «Удмуртия» клубысь спортсменъёс «Тропикен» нырысетӥ инты понна вожвылъяськизы.

Кык но ӝыны период ӵоже лыд 0:0 возиськиз, но пумитъяськисьёслэн быгатонлыкъёссы но опытсы соослы азьпала потыны луонлык сётӥзы. Йылпумъян - 0:2, но командамылэсь туж пинал луэмзэ чакласа, со милям тужгес усто шудонмы вал
«Удмуртия» следж-хоккей»

Озьы ик ивортэмын, «Тропикысь» тросэз спортсменъёс Россилэн сборнояз пыро но калыккуспо ӵошатсконъёсы пырисько шуыса.

Турнирлы йылпумъянъёсъя «Удмуртиысь» Игорь Козин 1-тӥ дивизионын «Устоез капка утись» ним басьтӥз

Тодэ вайытом, Удмуртиын пиналъёслэсь следж-хоккеен шудонъя командазэс 2019-тӥ арын гинэ кылдытӥзы. Соин тодматон 12-тӥ гудырикошконэ ортчиз. Коньывуонэ пинал следж-хоккеистъёс нырысетӥ нимлыко ӵошатсконъёсазы потазы но куинь пумиськонын куинь вормон басьтӥзы.



Наверх
Вниз