Ижкар+22 °C
11 -тӥ пӧсьтолэзь 2020 Кӧснунал
16+

Вьюжик спортъя XXVI тол элькун гурт шудонъёслэн талисманэз луоз Удмуртиын

  • 1923
  • 0
Дэри / Удмуртия
Вьюжик спортъя XXVI тол элькун гурт шудонъёслэн талисманэз луоз Удмуртиын
Туспуктэм: vk.com (Физическая культура и спорт Завьяловского района)

Удмуртиын Спортъя XXVI тол элькун гурт шудонъёслэн талисманэз Вьюжик луоз. Со сярысь Дэри ёросысь физкультурая но спортъя управленилэн «ВКонтакте» мерлыко вотэсаз ивортэмын.

Тол гурт шудонъёслэсь тодметлыксэ Марина Назарова кылдытӥз. 

Тодматске, Вьюжик – йӧспӧртэм нимо анимированной образ
Марина Назарова, Спортъя 26-тӥ тол элькун гурт шудонъёслэсь талисманзэ кылдытӥсь

Дизайнерлэн малпамезъя, Вьюжик - Визьлыко Пелльяськонлэн но Ваньзэбыгатӥсь Тӧллэн кужмо, етӥз, вормыны тыршись но вожвылъяськисьсэ гажась пизы.

Яркыт тусо но йӧспӧртэм нимо персонаж пиналъёслы но, бадӟымъёслы но кельшоз
Марина Назарова, Спортъя 26-тӥ тол элькун гурт шудонъёслэсь талисманзэ кылдытӥсь

Со сяна, Марина Назарова Шудонъёслы пус (эмблема) кылдытӥз. Солэн инъетаз - лымы пыры. Вылӥяз олимпи тылын ӝуась факел, со Удмуртилэсь спортын вормонъёссэ данъя. Лымы пыры ӵошатсконъёсслэсь пуссэ Вьюжикен но герӟа. Суредысь пӧртэм тодметъёсты адӟыны луэ: куасъёсты, конькиосты, толэзь пужы (солярный знак). Озьы ик со Удмуртилэсь йӧскалык выжыоссэ но лулчеберетсэ возьматэ.

Спортъя XXVI тол элькун гурт шудонъёслэн пусэз
Спортъя XXVI тол элькун гурт шудонъёслэн пусэз Фото: vk.com (Физическая культура и спорт Завьяловского района) ©

Ватсалом, Спортъя XXVI тол элькун гурт шудонъёс 2020-тӥ арын 5-8 южтолэзе Дэри ёросысь Дэри, Италмас черкогуртъёсын но Хохряки гуртын ортчозы. 



Наверх
Вниз