100 лет государственности Удмуртии
Ижкар+16 °C
3 -тӥ инвожо 2020 Вирнунал
16+

Россиысь 180-лэсь трос биатлонистъёс лыктозы «Ижевская винтовка» ӵошатсконъёсы Удмуртие

  • 388
  • 0
Ижкар / Удмуртия
Россиысь 180-лэсь трос биатлонистъёс лыктозы «Ижевская винтовка» ӵошатсконъёсы Удмуртие
Туспуктэм: Григорий Фомин

26-29 толсуре Ижкарысь генерал-майор А. М. Демидов нимо спортъя огъетын 50-тӥосыз биатлонъя «Ижевская винтовка» огъяросси ӵошатсконъёс ортчозы. Удмуртие Россилэн 25 улосвылъёсысьтыз 180-лэсь трос биатлонистъёс пыриськозы, соос пӧлын кунмылэн люкам командаезлэн ёзчиосыз но. Со сярысь элькунысь физкультурая, спортъя но егитъёсын ужан политикая министерстволэн пресс-службаез ивортэ.

Удмуртиысь физкультурая, спортъя но егитъёсын ужан политикая министр Александр Варшавский Россиын биатлонэз азинтонын «Ижевская винтовка» бадӟым инты басьтӥз шуыса пусйиз.

Ӵошатсконъёс – элькунлэн данлыкез – пӧртэм аръёсы кунмылы удмурт биатлонистъёс пӧлысь Олимпи чемпионъёсты кузьмазы - Валерий Медведцевез, Иван Черезовез. Таиз ар асьме понна пусйымон луэ, ми кунысьтымы тужгес усто биатлонистъёсты 50-тӥ «Ижевская винтовка» ӵошатсконъёсы пумитаськом
Александр Варшавский, Удмуртиысь физкультурая, спортъя но егитъёсын ужан политикая министр

Александр Варшавский пусйиз, ӵошатсконъёслы А.М. Демидов нимо спортъя огъетысь гостиницаез тупатъязы, ыбылӥськон интыысь тӥрлыкез выльдӥзы.

Ӵошатсконъёслэн радлыксы:

  • 26-тӥ толсуре –  Россилэн чемпионатэз улсын нылкышноослэн 15 иськеме ӵошатсконзы но Россилэн кубокез улсын воргоронъёслэн 10 иськеме спринтсы;
  • 28-тӥ толсуре – Россилэн чемпионатэз улсын воргоронъёслэн 20 иськеме ӵошатсконзы но Россилэн кубок улсын нылкышноослэн 7,5 иськеме спринтсы.
  • 29-тӥ толсуре – Россилэн кубокез улсын воргоронъёслэн 10 иськеме но нылкышноослэн 7,5 иськеме спринтъёссы.
Пусъём, ӵошатсконъёслы йылпумъянъёсъя IBU-лэн кубокез понна вожвылъяськонлэн люкетъёсаз пыриськон понна Россилэсь командазэ люкалозы. 
28-тӥ толсуре биатлонэз яратӥсьёслэн «Калашников Спорт. Биатлон» ӵошатсконъёссы ортчозы, кутсконэз 18 часын
«Калашников Спорт. Биатлон» ӵошатсконъёсы пыриськыны мылкыд карисьёс радъясьёслэн сайтазы куриськон сётыны кулэ. Спортэз яратӥсьёс 1 но ӝыны иськемъем кругез куинь пол ортчозы, кык пол БИ-7-5 пневматика винтовкаысь ыбылӥськозы. Вормисьёс огъя зачётын но арлыдъя ньыль группаосын кузьымъёс басьтозы. Учкисьёс понна шутэтскон программа но пӧртэм ужрадъёс чакламын.

Ӵошатсконъёслэн радлыкенызы но огъетозь транспортлэн ветлон дырыныз Удмуртиысь физкультурая, спортъя но егитъёсын ужан политикая министерстволэн сайтаз тодматскыны луэ.

Афиша с расписанием



Наверх
Вниз