100 лет государственности Удмуртии
Ижкар+16 °C
3 -тӥ инвожо 2020 Вирнунал
16+

Следж-хоккеен шудонъя калыккуспо ӵошатсконъёсты усьтӥзы Ижкарын

  • 173
  • 0
Ижкар / Удмуртия
Следж-хоккеен шудонъя калыккуспо ӵошатсконъёсты усьтӥзы Ижкарын
Туспуктэм: Удмуртиысь тӧролэн но кивалтэтлэн пресс-службазы

13-тӥ толсуре Ижкарысь «Олимпиец» йӧ дворецын егитъёслэн командаоссы пӧлын следж-хоккеен шудонъя «Kalashnikov cup» калыккуспо ӵошатсконъёс кутскизы. Турнире Финляндиысь, Словакиысь, Казахстанысь но Россилэн тямыс улосвылъёсысьтыз 14-23 аресъем спортсменъёс пырисько. Со сярысь элькун тӧролэн но кивалтэтлэн пресс-службазы ивортэ.

Ми понна бадӟым дан но шумпотон таӵе пусйымон, выль ужъёсты кутскыны. Россиын следж-хоккеез вӧлмытонын Удмуртия нырысетӥез вал. Нылпиос пӧлын следж-хоккеез азинтон азинтон ласянь но милям азьмынӥсьёс пӧлын луэммы потэ, со туж кулэ
Александр Варшавский, Удмуртиысь физкультурая, спортъя но егитъёсын ужан политикая министр

Озьы ик со ӵошатсконэ пыриськисьёслы улосвыллэн тӧроезлэн Александр Бречаловлэн нимыныз ӟырдыт нюръяськонъёс но яркыт вормонъёс сӥзиз.

«Kalashnikov cup 2019» калыккуспо ӵошатсконъёс кутскизы Ижкарын

11 фото

Кубок понна ньыль огазеям командаос вожвылъяськозы:

- Европалэн сборноез (Финляндия, Словакия, Оренбург, Уфа, Москва);

- Азилэн сборноез (Казахстан, Ханты-Мансийск, Челябинск, Новосибирск);

- Россилэн (Москва, Алексин, Альметьевск, Екатеринбург, Ижевск, Нижний Новгород, Оренбург, Ханты-Мансийск);

- Удмуртия.

Турнирын вормисьёс 15-тӥ толсуре тодмо луозы

Следж-хоккеен шудонъя В. Н. Кузнецов нимо «Удмуртия» клублэн кивалтӥсез Павел Вечтомов пусйиз, элькунысьтымы команда кылдэмез дырысен огъяросси но калыккуспо ӵошатсконъёсын бадӟым вормонъёс басьтэ, нош отын шудӥсьёс кунлэн огазеям командаяз пыро.

Вуоно нуналъёсы ӵошатсконъёслэн радлыксы:

14-тӥ толсуре

10:00 – Россия-Европа

11:45 – Удмуртия-Азия

15-тӥ толсуре

10:00 – Россия-Азия

11:45 – Удмуртия-Европа

13:00 – турнирез ворсан, вормисьёсты пусъён.

Та дыре следж-хоккей 27 кунъёсын азинтӥське, но пиналъёс но егитъёс понна ӵошатсконъёс ӧжытаз гинэ ортчытъяло. Россиын таӵе турнирез нырысьсэ Ижкарын 2018-тӥ арын радъязы

Тодэ вайытом, кылем арын Михаил Калашников нимо кубок понна вожвылъяськонэ ньыль команда пыриськиз: Виктор Кузнецовлэсь нимзэ нуллӥсь «Удмуртия» клуб, Россилэн сборноез, Чехиысь но Словакиысь спортсменъёслэн огазеям командазы но «Башкирские пираты». Кубокез Россилэн люкам командаез утӥз.

«KALASHNIKOV CUP» калыккуспо ӵошатсконъёс Удмуртиысь кивалтэт но «САФМАР» ӟечлэсьтон фонд куспын 2018-2020 аръёслы юнматэм тупанкылъя ортчытӥське. Радъясьёс: Удмуртиысь физкультурая, спортъя но егитъёсын ужан политикая министерство, А. А. Волков нимо «Белкамнефть» огазеяськон, Удмуртиысь суй-пыдзыя сӧсыр спортсменъёслэн физкультурая федерацизы, следж-хокеен шудонъя В. Н. Кузнецов нимо «Удмуртия» клуб


Наверх
Вниз