100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Куать команда пыриськиз гынсапегъёсын хоккей шудонъя йӧскалыккуспо ӵошатсконэ Ижкарын

  • 429
  • 0
Ижкар / Удмуртия
Куать команда пыриськиз гынсапегъёсын хоккей шудонъя йӧскалыккуспо ӵошатсконэ Ижкарын
Туспуктэм: Удмуртиысь тӧролэн но кивалтэтлэн пресс-службазы

29-тӥ толсуре Ижкарысь ипподромын «Мечты – это про100» Выль ар фестиваль улсын СССР-лэн вордӥськем нуналэзлы сӥзем «Гынсапегъёсын хоккей» («Хоккей на валенках») йӧскалыккуспо турнир ортчиз. Со сярысь Удмуртиысь тӧролэн но кивалтэтлэн пресс-службазы ивортэ.

Огвакытэ кӧня ке площадкаосын пӧртэм кунъёсысь вуэмъёслэн командаоссы пумиськизы, аслэсьтыззэ Удмуртия но дасяз. Турнире оглом куать командаос пыриськизы, котькудаз быдэн 12 адямиен. «Сборная мира» тужгес трос йӧслыкъем луиз - гынсапег кутчаса но киязы клюшкаос кутыса, Камерунысь, Тунисысь но Египетысь лыктэмъёс потӥзы.

Котькуд командаын нылъёс но шудӥзы

Гынсапегъёсын хоккей шудонъя йӧскаылккуспо ӵошатскон ортчиз Ижкарын

10 фото

Командаос ог-огенызы ньыль шудон ортчытӥзы. Валтӥсь куронъёс – тупез клюшкаен гинэ йӧтылыны яра но донгаськыны уг яра, угось  шудӥсьёс номырин утиськымтэ, нош кужымзы но секталазы ваньзылэн пӧртэм. Куронъёсты быдэсъямез ӧнерлыко судьяос чаклазы.

Вормисе потӥзы:

  • 1-тӥ инты – Удмуртиысь десантникъёслэн огазеяськонзы;
  • 2-тӥ инты – Вотиканлэн сборноез;
  • 3-тӥ инты – Руссо-туристо.

Озьы ик нимысьтыз номинациосын вормисьёсты пусйизы:

- «Лучший хоккеист Африки» серемес номинациын Камерунысь Франсуаез пусйизы, солы колошаен гынсапегъёс кузьмазы.

- тужгес устоез бомбардир Ижкар администрацилэн тӧроезлэн мер политикая воштӥсез Дмитрий Чистяков луиз: со 4 гол пыртӥз но ӧнерлыко клюшка утӥз;

- тужгес пиналзэ шудӥсез сямен еврей диаспораысь 9 аресъем Андрей Столов пусйизы;

- тужгес мӧйыез шудӥсь – 61 аресъем Сергей Шаргаев, солы ретро-дырпус кузьмазы.

Турнирез арлы быдэ ортчытъяны малпаськомы. Нимыз но умой, вакыт но тупа, шудон но умой мылкыд сётэ, огшоры, мыло-кыдо но шулдыр! Кызьы милям шуо: Выль арлы самый татын
Михаил Смагин, турнирез радъясь

Тодэ вайытом, 4-тӥ толшоре Удмуртиын куасэн бызьылонъя Ымусьтон ӵошатскон ортчоз, куриськонъёс сётыны луэ на.



Наверх
Вниз