Ижкар+18 °C
1 -тӥ коньывуон 2020 Покчиарня
18+

Гуртъёсысь дышетскисьёслэн шахматъя огъяросси ӵошатсконъёсазы Удмуртилэн командаез кыкетӥ луиз

  • 463
  • 0
Дэбес / Удмуртия
Гуртъёсысь дышетскисьёслэн шахматъя огъяросси ӵошатсконъёсазы Удмуртилэн командаез кыкетӥ луиз
Туспуктэм: Сергей Суворов

Дэбесын Гуртъёсын улӥсь дышетскисьёс пӧлын шахматэн ӝог но блиц амалъёсын шудонъя Нырысетӥ огъяросси ӵошатсконъёсын Удмуртилэн командаез утэм медальёслэн лыдзыя кыкетӥ инты басьтӥз. Со сярысь улосвыл тӧролэн но кивалтэтлэн пресс-службазы ивортэ.

19-22 толшоре ортчем ӵошатсконъёсы Россилэн 17 улосвылъёсысьтыз 222 пинал шашистъёс пыриськизы. Удмуртилэн командаез 12 ёросъёсысь пиналъёсты огазеяз.

Шудонъёс швейцар сӧзнэтъя мынӥзы – пумиськонэз келям бере пиналъёс шудэмысь ӧз дугдылэ. Кыкетӥ турысен ог-огенызы одӥг мында очкоос люкам муртъёс вожвылъяськизы, озьы одӥг ӝӧк сьӧры кужымзыя огкадь шахматистъёс пуксьылӥзы.

Ӝог шахматъёсын командаосын ӵошатсконын Башкортостаынсь пиналъёс вормизы. Блицын – Марий Элысь спортсменъёс. Удмуртия ас чотын медальёслэн лыдзыя вань командаос пӧлын кыкетӥ инты басьтӥзы – элькунысьтымы дышетскисьёс оглом 26 медаль утӥзы. 



Наверх
Вниз