100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Кыкетӥзэ зарни утӥз Удмуртиысь Владислав Лекомцев биатлонъя но куасэн бызьылонъя дуннелэн кубокезлэн люкетаз Германиын

  • 199
  • 0
Финстерау / Германия
Кыкетӥзэ зарни утӥз Удмуртиысь Владислав Лекомцев биатлонъя но куасэн бызьылонъя дуннелэн кубокезлэн люкетаз Германиын
Туспуктэм: vk.com (Центр спортивной подготовки Удмуртии. ЦСП)

Германиысь Финстерау карын суй-пыдзыя сӧсыр спортсменъёслэн биатлонъя но куасэн бызьылонъя дуннелэн кубокез понна вожвылъяськонзылэн куинетӥ люкетэз азьланьтӥське. 4-тӥ тулыспалэ Удмуртиысь Владислав Лекомцев биатлонъя эшшо одӥг ӵошатсконын вормиз. Со сярысь элькунысь спортъя дасяськонъя центрлэн «ВКонтакте» мерлыко огиназ ивортэмын.

Владислав Лекомцев кык ыбылӥськонэн 8 иськеме ӵошатсконын вань мишеньёссэ ворсаз но нырысетӥ луиз. Кыкетӥ интыез Украинаысь Игорь Рептюх басьтӥз. Нош куинетӥ асьме командаысь ик Виталий Малышев луиз.

Та дыре Владислав Лекомцев Дуннелэн кубокезлэн огъя зачётаз но нырысетӥ луэ, та дырлы со вожвылъяськисьёссэ 165 очколы азьпалтэ

Германиысь Финстерау карын биатлонъя ӵошатсконъёс йылпумъяськизы, 5-тӥ, 7-тӥ но 8-тӥ тулыспалэ куасэн бызьылонъя ӵошатсконъёс ортчозы.

Тодэ вайытом, Владислав Лекомцев суй-пыдзыя сӧсыр спортсменъёслэн биатлонъя но куасэн бызьылонъя дуннелэн кубокез понна вожвылъяськонзылэн куинетӥ люкетаз нырысетӥ нуналъёсы кык медаль басьтӥз



Наверх
Вниз