Ижкар+1 °C
26 -тӥ тулыспал 2020 Вирнунал
16+

Куасэн бызьылонын кык зарни медаль басьтӥз Удмуртиысь Владислав Лекомцев дуннелэн кубокезлэн люкетаз

  • 429
  • 0
Финстерау / Германия
Куасэн бызьылонын кык зарни медаль басьтӥз Удмуртиысь Владислав Лекомцев дуннелэн кубокезлэн люкетаз
Туспуктэм: vk.com (Центр спортивной подготовки Удмуртии. ЦСП)

Суй-пыдзыя сӧсыр спортсменъёслэн биатлонъя но куасэн бызьылонъя дуннелэн кубокез понна вожвылъяськонзылэн куинетӥ люкетэз куасэн ӵошатсконъёсын Удмуртиысь Владислав Лекомцев куинь медаль утӥз. Со сярысь Россиысь Паралимпи комитетлэн пресс-службаез ивортэ.

Спринтын но шоро-куспо дистанциын элькунысьтымы спортсмен зарни медальёс басьтӥз, вакчи дистанциын азвесь медаль утӥз.

Тодэ вайытом, вожвылъяськон Германиысь Финстерау карын ортчиз но биатлонын ӵошатсконъёсын кутскиз. Спортысь та амалын Владислав Лекомцев озьы ик кык зарни но одӥг азвесь медальёс басьтӥз. Та дыре со огъя зачётын нырысетӥ интыын мынэ.

Наши партнеры

Наверх
Вниз