Ижкар+19 °C
6 -тӥ пӧсьтолэзь 2020 Вордӥськон
16+

Удмуртиысь куинь нылпи юртъёсысь шахматистъёс Сочие огъяросси ӵошатсконъёсы мынозы

  • 582
  • 0
Ижкар / Удмуртия
Удмуртиысь куинь нылпи юртъёсысь шахматистъёс Сочие огъяросси ӵошатсконъёсы мынозы

11-тӥ тулыспалэ Ижкарын Удмуртиысь нылпи юртъёслэн, школа-интернатъёслэн но быдэ вуымтэослы мерлыко центръёслэн командаоссы куспын шахматъя элькун ӵошатсконъёссы ортчизы. Ужрадэ 15 командаысь 60 пиналъёс пыриськизы. Со сярысь элькунысь мерлыко политикая но ужъя министерстволэн пресс-службаез ивортэ.

Ӟырдыт нюръяськонъёсын нырысетӥ инты Красногорскысь нылпи юрт басьтӥз. Кыкетӥ интыын Глаз ёросысь Пониноысь нылпи юртлэн командаез. Элькун нылпи юртысь пинал шахматистъёс куинетӥ луизы.

Табере та куинь нылпи юртъёслэн командаоссы Удмуртилэсь данзэ шахматэн шудонъя «Восхождение 2020» огъяросси ӵошатсконъёсын утёзы, соос 10-тӥ южтолэзе Сочиысь Лоо посёлокын ортчозы.

Тодэ вайытом, 19-22 толшоре Дэбесын Гуртъёсын улӥсь дышетскисьёс пӧлын шахматэн ӝог но блиц амалъёсын шудонъя Нырысетӥ огъяросси ӵошатсконъёс ортчизы. Удмуртилэн командаез утэм медальёслэн лыдзыя кыкетӥ инты басьтӥз



Наверх
Вниз