Удмуртиысь спортъя министр Александр Варшавский тхэквондоя усьтэм тренировка ортчытоз Ижкарын

  • 153
  • 0
Ижкар / Удмуртия
Удмуртиысь спортъя министр Александр Варшавский тхэквондоя усьтэм тренировка ортчытоз Ижкарын
Туспуктэм: Руслан Нуриахметов

16-тӥ тулыспалэ 10 часын Ижкарысь «Динамо» спортъя огъетын Удмуртиысь физкультурая, спортъя но егитъёсын ужан политикая министр Александр Варшавский тхэквондоя тренировка ортчытоз. Ужрад Удмуртиысь Атайёслэн кенешенызы кичӧлтэм «Папа - тренер» ӵектос улсын радъяськоз. Со сярысь Ижкар администрацилэн пресс-службаез ивортэ.

Александр Варшавский нырысетӥ тренировкаез ортчытоз. Бӧрысь пиналъёслы занятиосты дышетыны мылкыд карись атайёс радъялозы

Пыриськыны мылкыд карисьёсты сьӧразы спорт дӥсь но воштӥськон пыдкук басьтыны куро.

«Папа - тренер» ӵектос таза улонэз вӧлмытон но азбар спортэз азинтон понна радъяське. Со улсын нырысетӥ тренировкаос 19-тӥ толшоре спортъя «Забияка» клубын боксъя тренировка ортчытӥзы. Табере дышетонъёс котькуд арнянуналэ 10 часын радъяло.

Удмуртиысь Атайёслэн кенешсылэн тӧроез Дмитрий Чистяков спортэн вырись атайёсты ӵектосэ пыриськыны ӧте.

Ми возьмаськом командаямы мылкыд карись атайёсты, кудъёсыз спортэз ярато но нылпиосын пӧртэм спорт амалъёсъя тодон-валанэнызы но быгатонлыкъёсынызы люкиськыны быгато. Со шахмат, футбол, баскетбол, волейбол но мукет амалъёс луыны быгато
Дмитрий Чистяков, Удмуртиысь Атайёслэн кенешсылэн тӧроез

«Папа - тренер» ӵектоссы карысь спортъя площадкаосы, спортъя секциосы ветлӥсьтэм пиналъёсты спортэ кыскыны луонлык сётоз, пусъё Атайёслэн кенешазы.

Наши партнеры

Наверх
Вниз