100 лет государственности Удмуртии
Ижкар+19 °C
31 -тӥ куартолэзь 2020 Воскресенье
16+

Удмуртилэн тӧроез но Дзюдоя Европаысь огазеяськон улосвыламы дзюдоез азинтон сярысь тупанкыл гожтӥзы

  • 118
  • 0
Москва / Россия
Удмуртилэн тӧроез но Дзюдоя Европаысь огазеяськон улосвыламы дзюдоез азинтон сярысь тупанкыл гожтӥзы
Туспуктэм: Удмуртиысь тӧролэн но кивалтэтлэн пресс-службаез

14-тӥ тулыспалэ Москваын Удмуртилэн тӧроез Александр Бречалов, Дзюдоя Европаысь огазеяськонлэн азьмуртэз Сергей Соловейчик, Дзюдоя Россиысь федерацилэн азьмуртэз Василий Анисимов, Дзюдоя Удмурт элькун федерацилэн азьмуртэз Александр Первухин 2020-2025 аръёсы элькунамы дзюдоез азинтонъя тупанкылэз кинюртӥзы. Со сярысь улосвыл тӧролэн но кивалтэтлэн пресс-службазы ивортэ.

Сергей Соловейчик Александр Бречаловен кемалась ик ортчымтэ Дзюзоя Европалэн первенствояз пумиськылӥм, нош али огазьын ужан сярысь тупанкыл гожтӥськом ини шуыса пусйиз но ужкагаз элькунын дзюдоез выль уровене ӝутыны юрттоз шуыса осконзэ вераз.

Ми выль чемпионъёсты, выль вормонъёсты но выль пиналъёсты, кудъёсыз лыктозы спортъя залъёсы, возьмаськом. Удмуртия ми понна вынлыко улосвыл, ми солы оскиськом
Сергей Соловейчик, Дзюдоя Европаысь огазеяськонлэн азьмуртэз

Василий Анисимов Удмуртиен тупанкыл эскерон ӵектос шуыса вераз. Азьланяз солэсь инъетсэ Россиысь мукет улосвылъёсын дзюдоез пыӵатонэ кутыны чаклало.

Александр Бречалов котькуд тупанкылэз гожтыса, пуктэм ужпумъёсты быдэстыны тыршиськом шуыса пусйиз. Нырысь ик мӧйыослы но пиналъёслы туала луонлыкъёс кылдытыны.

Туннэ Россиысь спортъя министрен Олег Васильевич Матыцинэн пумиськонын Ижкарын 400 миллион манет пала сылӥсь единоборствоосъя дворец пуктонъя кун но ужбергатон валче вылысь ӵектос сярысь вераським. Оскисько, федерациен ӵош ми сое улонэ пыӵатом. Со сяна, туэ ми вить ужась площадкаосты тупатом но арысь аре со ужез азьланьтом. Дзюдо элькун понна – спортъя амал гинэ ӧвӧл, нырысь ик со нылпиосмылэсь шутэтсконзэс радъяны амал, тазалыксэс кыдатон но азьпал улонзылы юрттон
Александр Бречалов, Удмуртилэн тӧроез

Александр Первухин спортэз гажасьёслы но ӧнерлыко спортэн вырисьёслы секциосы тренеръёсты дасян сярысь но федерация азьын сылӥсь ужпумъёс сярысь мадиз.

Пусъём, туннэ нуналлы элькунысьтымы вань каръёсын но 13 ёросъёсын куинь сюрс пала пиналъёс дзюдоен выро. Тупанкылэз улонэ пыӵатон соослэсь лыдзэс будэтыны но инфраструктураез азинтонъя ӵектосъёсты быдэстыны юрттоз.

Нялтас вераса, 2020-тӥ арын шуркынмонэ улосвыламы «Семейное дзюдо» фестиваль ортчоз. Отчы быдэс Россиысь дзюдоез гажасьёс пыриськозы. 



Наверх
Вниз