Ижкар+10 °C
26 -тӥ куарусён 2020 Кӧснунал
18+

«Зарница» шудонэ пыриськыны ӧтё Ижкарысь атайёсты 29-тӥ тулыспалэ

  • 231
  • 0
Ижкар / Удмуртия
«Зарница» шудонэ пыриськыны ӧтё Ижкарысь атайёсты 29-тӥ тулыспалэ
Туспуктэм: vk.com (МБОУ ДО ВПЦ «ШКОЛА ЮНЫХ ЛЁТЧИКОВ» | ИЖЕВСК)

29-тӥ тулыспалэ 10 часын Ижкарысь Оружейник Драгунов нимо скверын «Зарница – Защитники Отечества» ожгаружъя но спортъя кар шудон ортчоз. Со сярысь «Школа юных лётчиков» центрлэн пресс-службаез ивортэ.

Шудон Атыкай музъемез утисьлэн нуналзылы сӥземын но ожгар но спорт ужрадъёс пыр атайёслэсь тазалыксэс кыдатон, быдэ вуымтэослэсь, атайёссылэсь адӟем карыса, таза улыны но армиын служба нуыны мылкыдзэс ӝутон понна радъяське

Шудонэ 18 ареслэсь бадӟымъёс пыриськыны быгато, командаын куать адямиен луыны кулэ. Соос турполосаез ортчозы, пневматика винтовкаысь ыбылӥськозы, ватэм минаосты утчалозы, кужымлы упражнениос лэсьтозы, Калашников автоматэз сэрттозы-бичалозы, 24 килограммъем гираез ӝуткалозы, Калашников автоматлэсь магазинзэ тырмытозы, пурт, тӥр но лопатка лэзьялозы. Озьы ик «дуэльын» нюръяськозы, интыысь интые ивортон келялозы но Знамя басьтонын ӵошатскозы.

Куриськонъёсты 28-тӥ тулыспалозь shul_65@mail.ru электрон почтае яке чӧлсконпусъя куто. Куронъёсын пыр-почгес тодматскыны татын луэ.

Зарницаын вормисьёсты Ижкар администрациысь дышетонъя управленилэн грамотаосыныз но кубокъёсыныз пусъёзы. Котькуд пыриськисьлы «Участник «Зарница – Защитники Отечества 2020» значок сётозы.

Ужрадэз Ижкар администрациысь дышетонъя управление, физкультурая, спортъя но егитъёсын ужан политикая управление, Удмуртиысь Атайёслэн кенешсы но «Школа юных лётчиков» центр радъяло.

Тодэ вайытом, Удмуртиысь пиналъёсты но студентъёсты «Правнуки победителей» вожвылъяськонэ пыриськыны ӧтё.



Наверх
Вниз