100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Тямыс спорт амалъёсын вожвылъяськон мыноз Спортъя тол элькун гурт шудонъёсын Дэри ёросын

  • 712
  • 0
Дэри / Удмуртия
Тямыс спорт амалъёсын вожвылъяськон мыноз Спортъя тол элькун гурт шудонъёсын Дэри ёросын
Туспуктэм: Никита Иванов

5-8 южтолэзе Дэри ёросын XXVI Спортъя тол элькун гурт шудонъёсын Удмуртиысь 25 ёросъёсысь командаос тямыс спорт амалъёсын вожвылъяськозы. Со сярысь эькунысь физкультурая, мпортъя но егитъёсын ужан политикая министерстволэн пресс-службаез ивортэ.

Ӵошатсконъёс Дэри но Италмас черкогуртъёсын, Хохряки гуртын радъяськозы

Куасэн бызьылонын, политатлонын, баскетболын, хоккейын, шашкиен но шахматэн шудонъёсын, спорт семьяослэн но кивалтӥсьёслэн вожвылъяськонъёсазы оглом 26 комплект данъетъёс сётозы. Ӵошатсконъёсы сюрслэсь трос гурт спортсменъёс пыриськозы.

Гурт шудонъёсты ортчытон интыосын спортзалъёсты рос-прос тупатъязы. Хохрякиын хоккей коробкаез, Италмасын куас сюресэз выльдӥзы.

Шудонъёсты 5-тӥ южтолэзе 18 час 30 минутэ Дэриысь стадионын сӥё-дано усьтозы.

Со нуналэ ик 13 часысен 16 часозь элькун гурт шудонъёс улсын Нырысетӥез «Команда Удмуртии» спортъя элькун тол фестиваль ортчоз. Отчы улосвыл кивалтэтлэн вань ёзчиосыз но элькунысь каръёслэн но ёросъёслэн тӧрооссы пыриськозы. Соос пӧйшуран куасъёс вылын эстафетаын, гозы кысканын, гынсапеген хоккей шудонын кужымзэс мерталозы

Шудонъёсты ворсан но вормись ёросъёсты пусъён 8-тӥ южтолэзе Италмас черкогуртысь стадионын 13 час 30 минутэ кутскоз. 

Тодэ вайытом, XXVI Спортъя тол элькун гурт шудонъёслэн талисманэз Вьюжик луоз.



Наверх
Вниз