100 лет государственности Удмуртии
Ижкар+4 °C
1 -тӥ оштолэзь 2020 Вирнунал
16+

13 команда пыриськиз ожгаружъя но спортъя «Зарница» шудонэ Ижкарын

  • 767
  • 0
Ижкар / Удмуртия
13 команда пыриськиз ожгаружъя но спортъя «Зарница» шудонэ Ижкарын
Туспуктэм: «Школа юных лётчиков» центр

29-тӥ тулыспалэ Ижкарын ожгаружъя но спортъя «Зарница – Защитники Отечества» кар шудонэ 13 команда пыриськиз. Со сярысь «Школа юных лётчиков» центрлэн пресс-службаез ивортэ.

Ижкарысь атайёслэн командаоссы куспын таӵе шудон нырысьсэ ортчытӥзы

Пыриськисьёс 12 люкетъёсты ортчизы. Со пӧлын турполосаез ортчон, пневматика винтовкаысь ыбылӥськон, Калашников автоматэз сэрттон-бичан, 24 килограммъем гираез ӝутъян но мукет. Тужгес тунсыко но ӟырдыт ортчизы гозы кыскан но гурезез басьтон.

Атыкай музъемез утисьлэн нуналэзлы тупатэм ужрадэ тросэз быдэс семьяен лыктӥзы. Анайёс понна нылпиоссы но кузпалъёссы висизы.

Вань люкетъёслы йылпумъянъёсъя нырысетӥ басьтӥз 31 номеро школалэн командаез, кыкетӥ интыын Удмуртиысь десантникъёслэн союззы, куинетӥ – 41 номеро лицейлэн командаез. Вань пыриськисьёс дипломъёс но кузьымъёс, гадьпусъёс басьтӥзы. Радъясьёс «Зарница» шудонэ пыриськисьёслэн лыдзы арысь аре йылоз шуыса оско. 



Наверх
Вниз