100 лет государственности Удмуртии
Ижкар+18 °C
28 -тӥ куартолэзь 2020 Покчиарня
16+

«Удмуртилэн командаез» тол фестиваль нырысьсэ ортчиз Спортъя элькун гурт шудонъёс улсын Дэри ёросын

  • 193
  • 0
Ижкар / Удмуртия
«Удмуртилэн командаез» тол фестиваль нырысьсэ ортчиз Спортъя элькун гурт шудонъёс улсын Дэри ёросын
Туспуктэм: Удмуртиысь тӧролэн но кивалтэтлэн пресс-службазы

5-тӥ южтолэзе Дэри ёросын Спортъя XXVI тол элькун гурт шудонъёс усьтӥськизы. Со улсын нырысьсэ «Удмуртилэн командаез» тол фестиваль ортчиз. Со сярысь улосвыл тӧролэн но кивалтэтлэн пресс-службазы ивортэ.

Ӵошатсконъёсы Удмуртиысь ёросъёслэн но каръёслэн тӧрооссылэн, кун тӧрлык ёзэсъёслэн но кун ужъюртъёсын кивалтӥсьёслэн ньыль командаоссы пыриськизы, котькудаз быдэн 15 адямиен. 

Нырысь ик кивалтӥсьёс гынсапеген хоккей шудӥзы. Вормисе элькунысь гурт возёсъя министрлэн Ольга Абрамовалэн командаез потӥз. Озьы ик Удмуртиысь кивалтэтлэн ёзчиосыз но ёрос но кар тӧроос пӧйшуран куасъёсын эстафетаын ӵошатскизы. Та рад йӧскалык политикая министрлэн Лариса Бурановалэн командаяз пырисьёс вормисьёс луизы. Соос ик гозы кысканын но оглом командаос чотын вормизы. 

Удмуртиысь кивалтэтлэн тӧроез Ярослав Семёнов ӵошатсконъёс туж умой сямлы кутскон сётӥзы но элькун та ужез одно ик азьланьтоз шуыса пусйиз.

Вань ӵошатсконъёсын валтӥсез – командаен ужан, ог-огедлы юрттон но вожвылъяськисьтэ гажан. Асьмеос ваньмы ик туннэ со сяммес возьматыны быгатӥм
Ярослав Семёнов, Удмуртиысь кивалтэтлэн тӧроез

«Удмуртилэн Командаез» тол фестивальын

26 фото

Тодэ вайытом, Дэри ёросын Спортъя тол элькун гурт шудонъёсын 1 сюрслэсь трос спортсменъёс тямыс спорт амалъёсын вожвылъяськозы. Валтӥсь ӵошатсконъёс Италмас но Первомайской черкогуртъёсын ортчо. 



Наверх
Вниз