Ижкар+19 °C
2 -тӥ пӧсьтолэзь 2020 Покчиарня
16+

Уйпал амалэн ветлонэз нырысьсэ Удмуртиысь спортъя элькун гужем гурт шудонъёсы пыртӥзы

  • 199
  • 0
Красногорск / Удмуртия
Уйпал амалэн ветлонэз нырысьсэ Удмуртиысь спортъя элькун гужем гурт шудонъёсы пыртӥзы
Туспуктэм: Руслан Нуриахметов

2020-тӥ арын Удмуртиысь Красногорскын ортчоно XXIX спортъя элькун гужем гурт шудонъёслэн программаязы нырысьсэ уйпал (скандинав) амалэн ветлонэз пыртӥзы. Сое ӵошатскон радлыке пыртыны кичӧлтонэн скандинав амалэн ветлонъя «Ходики» клубен кивалтӥсь Михаил Пасынков вазиськиз. Со сярысь ивортодэтъя «Удмуртия» агентстволэн корреспондентэзлы Красногорск ёрос администрациысь лулчеберетъя, спортъя но егитъёсын ужан политикая ёзэтысь физкультурая но спортъя валтӥсь ӧнерчи-эксперт Елена Штин вераз.

Со луоз программаын, но зачётэ мынӥсьтэм спорт амалэн. <…> Озьы ик уйпал амалэн ветлон кивалтӥсьёслэн ӵошатсконъёсъя программаязы но луоз, ньылетӥ амал. Соосыз но, таосыз но кык иськем ортчозы
Елена Штин, Красногорск ёрос администрациысь лулчеберетъя, спортъя но егитъёсын ужан политикая ёзэтысь физкультурая но спортъя валтӥсь ӧнерчи-эксперт

Спортъя гужем гурт шудонъёс улсын уйпал амалэн ветлӥсьёс понна эстафета чакламын. Командае ньыль адями пыроз: кык нылкышно но кык воргорон. Нылкышноос нырысетӥ но куинетӥ люкетэз ортчозы, воргоронъёс – кыкетӥ но ньылетӥ люкетъёсты. Со сяна, командаын пыриськисьёс арлыдъя ньыль категориысь луыны кулэ: одӥг адями 18-29 аресъем, одӥг адями 30-39 аресъем, одӥг адями 40-49 аресъем но одӥг адями 50-59 аресъем.

Туэ спортъя 29-тӥ элькун гужем гурт шудонъёс 12-19 гудырикошконэ ортчозы

Ӵошатсконъёслэн радлыказы: армрестлинг, волейбол, гира ӝутъян, городки, капчи атлетика (пӧртэм дистанциосы бызьылон, ӝог ветлон, кузьдалае тэтчан, бызьылонъя суро эстафета), мини-лапта, футбол 7х7, ӝӧквыл теннис, гозы кыскан, полиатлон (кужымо гимнастика, пневматика винтовкаысь ыбылӥськон, бызьылон), самбо, ёрос кивалтӥсьёслэн ӵошатсконъёссы (городки, пневматика винтовкаысь ыбылӥськон, дартс, уйпал амалэн ветлон), семьяослэн ӵошатсконъёссы (дартс, капчи атлетикая эстафета, ӝӧквыл теннис, шашки), триатлон (уян, велосипед, бызьылон). 

Тодэ вайытом, 2019-тӥ арын 30-тӥ пӧсьтолэзе Кияса черкогуртын скандинав амалэн ветлонъя нырысетӥез ёроскуспо фестиваль ортчиз. Ужрадэ 150-лэсь трос адями пыриськиз



Наверх
Вниз