Ижкар+19 °C
7 -тӥ пӧсьтолэзь 2020 Пуксён
16+

Удмуртиысь биатлонистъёс Россилэн сборнояз кандидатъёс пӧлы пыризы

  • 52
  • 0
Москва / Россия
Удмуртиысь биатлонистъёс Россилэн сборнояз кандидатъёс пӧлы пыризы
Туспуктэм: Руслан Нуриахметов

Удмуртиысь биатлонистъёс 2020-2021 ӵошатскон аре Россилэн люкам командаяз сюрыны кандидатъёс пӧлы пыризы. Со сярысь Россиысь спортъя министерстволэн пресс-службаез ивортӥз.

Воргоронъёслэн валтӥсь командаязы дасяськыны Ижкарысь Ильназ Мухамедзяновез пыртӥзы.

Нылкышноослэн командаязы Можгаысь Ульяна Кайшева пыриз. Озьы ик лыдметын Удмуртиын вордскем но та вакытэ Пермь улосвыллэсь данзэ утись Валерия Васнецова.

Со сяна, резерв командаын дасяськыны кандидатъёс пӧлын Ижкарысь Александр Поварницын но Можгаысь Резеда Сибгатуллина, али нылмурт Ямало-Ненецкой автоном округ понна бызьылэ.

Юниоръёслэн командаязы Евгений Емерхонов, пиослэн командаязы Станислав Буранов шедьыны быгатозы на. 

Тодэ вайытом, туэ нырысьсэ спортъя элькун гурт шудонъёс улсын уйпал амалэн ветлонъя ӵошатскозы.



Наверх
Вниз