Ижкар+17 °C
26 -тӥ куарусён 2020 Кӧснунал
18+

Спортэн вырыны вить площадкаос лэсьтӥзы Удмуртиын йӧскалык ӵектос улсын

  • 94
  • 0
Ижкар / Удмуртия
Спортэн вырыны вить площадкаос лэсьтӥзы Удмуртиын йӧскалык ӵектос улсын
Туспуктэм: vk.com (Александр Бречалов)

Удмуртиысь каръёсын ГТО куронъёсты сётыны дасяськыны но сётыны вить спорт интыос лэсьтӥзы. Элькунамы улӥсьёс отчы дунтэк ветлыны быгатозы. Со сярысь элькун тӧролэн но кивалтэтлэн пресс-служабазы ивортэ.

Котькуд спорт площадкаын ГТО куронъёсты сётыны чаклам 28 сертифицированной спорт тӥрлык пуктӥзы. Соос пӧлын урам тренажёръёс но.

Выль площадкаос кылдӥзы:

  • Ижкарын (Буммаш урам, 88-тӥ юрт);
  • Глазкарын (Киров нимо урам, 75а юрт);
  • Воткаын (Энтузиастов урам, 25-тӥ юрт);
  • Сарапулын (Молодёжной урам, 8-тӥ юрт);
  • Можгаын (Спортивной урам, 40-тӥ юрт).

Огез сыӵе спорт инты 3 миллион манет пала сылэ

Спорт интыосты Владимир Путинэн кичӧлтэм «Демография» йӧскалык ӵектосэ пырись «Спорт – норма жизни» федерал ӵектос улсын лэсьтӥзы. Трос луонлыкъем спорт интыосты кылдытон улосвыламы 55 процентсэ улӥсьёсты спортэн эшъяськытыны валтӥсь ужпумез быдэстыны сётоз.

Элькун тӧролэн но кивалтэтлэн пресс-службазылэн ивортэмезъя, кылем арын «Спорт – норма жизни» федерал ӵектос улсын Удмуртиын ГТО куронъёсты сётыны 33 площадкаос, кык школаос куспо стадионъёс, Шарканын куасэн бызьылонъя улосвыл центр но Ува ёросысь Поршур-Тукля гуртын спортэн вырыны площадка пуктӥзы.

Тодэ вайытом, Глазкарысь 8 номеро гимназиын выль стадион усьтӥськиз.



Наверх
Вниз